!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

mōtika

rights

tūingoa

WHAKAMĀRAMA

Ko ngā āhuatanga e tika ana kia wātea ki te tangata, kia āhei rānei ia ki te mahi i raro i te haumarutanga o te ture, i raro rānei i ngā mātāpono pāpori e whāia nuitia ana e ngā iwi puta noa. Hei tauira ko te hau takiwā pai hei whakangā mā te tangata, ko te manawhiri kōrero.

Things that should be available freely to a person, or things that they should be able to do under the protection of the law and social principles that are widely followed throught the world. Examples of rights include fresh air to breathe and freedom of speech.

Tauira KŌrero

Nāna i kawe te whawhai ki te Rūnanga Whakakotahi i ngā Iwi o te Ao, kia whakakorea ngā ture e tāmi tonu ana i ngā mōtika iwi taketake.

He aha rā ngā mōtika me ngā haepapa o te hunga rīhi whare?

Arā ētahi whenua e tino takatakahi tonu ana i ngā mōtika tangata.

WhakamĀrama Āpitihanga

Koia nei ētahi whakamahinga o te kupu nei, te mōtika:

Haere tahi ai ngā mōtika o te tangata me ōna haepapa. Koia ko ngā mahi e tika ana hei kawe māna, mā reira e riro ai i a ia ōna mōtika. Hei tauira, i te nuinga o ngā whānau he haepapa ō ngā tamariki ki te āwhina i ngā mahi o te whānau, pērā i te tiki wahie me te horoi rīhi. I te porihanga, he haepapa ō te tangata ki te whai i ngā ture me ngā tikanga kua whakatakotoria mō ngā wāhi tūmatanui.

Nō te tau 1948 i mana ai Te Whakapuakitanga Tukipū o ngā mōtika tangata o Te Rūnanga Whakakotahi i ngā Iwi o te Ao. Nō te tau 1977 i whakatūria ai Te Kāhui Tika Tangata o Aotearoa, ko rātou hei whakatairanga, hei whakahaumaru i te mana me ngā mōtika o ngā tāngata katoa o Aotearoa.

KUPU KĒ ATU

motika

Tauira KŌrero

Nāna i kawe te whawhai ki te Rūnanga Whakakotahi i ngā Iwi o te Ao, kia whakakorea ngā ture e tāmi tonu ana i ngā mōtika iwi taketake.

He aha rā ngā mōtika me ngā haepapa o te hunga rīhi whare?

Arā ētahi whenua e tino takatakahi tonu ana i ngā mōtika tangata.

WhakamĀrama Āpitihanga