!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

ture

law, act (of parliament), rule, statute

tūingoa

WHAKAMĀRAMA

He pūnaha tikanga ka whakatakotoria e tētahi rūnanga whaimana, pērā i te kāwanatanga o tētahi whenua, koia rā hei whaitanga mā tōna iwi, e nahanaha ai te noho tahi o taua iwi. Mēnā ka takahia e tētahi he ture, tērā ka whiua ia i raro i te ture.

A system of rules that are set in place by an authority, such as the government of a country, for their people to follow in order to live together in an ordered way. If a law is trangressed by someone they can be penalised or punished under the law.

Tauira KŌrero

He whaina tana whiu mō te takahi i te ture taraiwa motukā.

He ture hou tēnei e whakatūria ana e te kāwanatanga.

Kāore e tika ana kia whakahāweatia te tangata mō tana aronga hōkaka i raro i ngā ture o Aotearoa.

WhakamĀrama Āpitihanga

E rua ngā momo ture matua i te pūnaha tika o Aotearoa:

Arā hoki ngā ture ā-rohe ka whakatūria e ngā kaunihera ā-rohe. He ture ēnei e pā ana ki ngā āhuatanga noho o te rohe, pērā i te whakatau i ngā wāhi hoko waipiro me ngā wāhi waipiro-kore o te tāone, i ngā tepetere mō te taraiwa motukā i ngā huarahi o te tāone, i ngā ture mō te tango wai i ngā awa o te rohe, me te maha noa atu.

Koia nei te huarahi e mana ai tētahi ture hou i Aotearoa:

  1. Ka tuhia he tauira ture i te tuatahi hei tirotiro, he wānanga, hei tohe mā te pāremata, me te whai wāhi mai o te iwi whānui ki te tuku whakaaro mai. Ka kīia te tauira ture, he pire.
  2. Ka whakatakotoria ōkawatia te pire ki mua i te pāremata.
  3. Ko te pānuitanga tuatahi ki rō pāremata. Ka kōrerohia te takune o te pire, ōna painga, ngā wāhi hei whakapai ake, ka whakahēngia hoki e te hunga whakahē. Ka tāpaetia pea he whakahoutanga. Mēnā ka whakaaengia e te pāremata, ka haere te pire ki te komiti whiriwhiri e hāngai ana ki te kaupapa o te pire, pērā i te mātauranga, i te toko i te ora, i te hauora, i te aha kē atu.
  4. Ka tohea te pire e te komiti whiriwhiri. Ka whai wāhi atu ngā rōpū tōrangapū katoa o te pāremata ki te komiti whiriwhiri. Ka whai wāhi hoki te marea ki te tuku kōrero, ki te tāpae whakaaro.
  5. Ka hoki te pire me ngā whakahoutanga, ngā tūtohunga a te komiti whiriwhiri kia pānuihia tuaruatia ki rō pāremata. Ka pōtihia e te pāremata mēnā ka haere tonu te pire.
  6. Ka āta tohea anō te pire me ōna taipitopito e te katoa o te pāremata, ākene pea ka tāpaehia he whakahoutanga atu anō.
  7. Ko te pānuitanga tuatoru o te pire whakamutunga. Ka pōtihia e te pāremata mēnā ka turehia, ka ākiria rānei.
  8. Mēnā ka turehia, ka waitohua e te kāwana tianara, kātahi ka mana hei ture mō Aotearoa.

Takenga Mai

He kupu mino (reo Hīperu).

Tauira KŌrero

He whaina tana whiu mō te takahi i te ture taraiwa motukā.

He ture hou tēnei e whakatūria ana e te kāwanatanga.

Kāore e tika ana kia whakahāweatia te tangata mō tana aronga hōkaka i raro i ngā ture o Aotearoa.

WhakamĀrama Āpitihanga