!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

hapori

community

tūingoa

WHAKAMĀRAMA

Ko te noho ā-rōpū o te tangata, o rauropi kē atu rānei. He herenga ā-whakapapa ētahi hapori, pērā i te hapori o tētahi marae. Ko ētahi atu momo hapori ka takea mai i te wāhi noho matawhenua o te rōpū, i tētahi whakahaere pērā i te kura, i te hononga tuihono, i te hononga ā-mahi, i te hononga ā-rēhia, hākinakina rānei, i takenga kē atu rānei. 

A social unit of people or other types of organisms. Some communities are based on whakapapa connections, such as the community of a marae. Other communities are based on a geographical location, on an organisation such as a school, online connections, work or professional associations, leisure or sporting based connections, and many more.

Tauira KŌrero

Ko ētahi ka tautoko i te kōrero a te Pirimia, ko ētahi ka whakahē, nō reira e tōtara wāhi rua ana te hapori i tēnei wā.

Mā te hapori tonu e whakatau ko hea te wāhi tika hei whakatū i te papa hākinakina hou.

He ringa atawhai ia i ngā kaupapa maha o te hapori.

WhakamĀrama Āpitihanga

Ko te hapori ao whānui, koirā te hononga o ngā iwi, o ngā whenua puta noa i te ao, tātou ki a tātou anō, e noho taupuhipuhi ai tētahi ki tētahi. Kua tino puta haere te hapori ao whānui i roto i ngā tekau tau kua taha ake nei, i runga i te whanake o te whitimamao matihiko, te māmā o te rere mai i tētahi whenua ki tētahi, me te huaki anō o te ōhanga ao whānui me te tauhokohoko ao whānui.

Ko te hapori ohaoha, koia ko ngā rōpū, ko ngā whenua rānei e noho taupuhipuhi ana i te ao tauhokohoko.

Ko te hapori tuihono, koirā tētahi rōpū e whakawhiti kōrero ana, e pāhekoheko ana i runga i tētahi pae pāhopori, pērā i Tīhau me Pukamata. I te nuinga o te wā, e whai ana te hapori tuihono i tētahi kaupapa whakakotahi i a rātou, pērā i te whakatairanga i te reo Māori.

Tauira KŌrero

Ko ētahi ka tautoko i te kōrero a te Pirimia, ko ētahi ka whakahē, nō reira e tōtara wāhi rua ana te hapori i tēnei wā.

Mā te hapori tonu e whakatau ko hea te wāhi tika hei whakatū i te papa hākinakina hou.

He ringa atawhai ia i ngā kaupapa maha o te hapori.

WhakamĀrama Āpitihanga