Tikanga ā-Iwi

whai wāhi ~tanga

participate, participation, engage, engagement, have opportunity, have access

tūingoa, tūmahi whiti

WHAKAMĀRAMA

Ko tā te tangata, tā te rōpū rānei whakauru atu ki tētahi mea, ki tētahi mahi rānei, pērā i te porihanga whānui, i te ōhanga, me ngā kaupapa o te marae, o te hapū, o te iwi, o te hapori rānei.

A person or group's involvement in something such as wider society, the economy, initiatives of the marae, of the hapū, of the iwi or of the community.

Tauira KŌrero

Kua tīmata anō te whai wāhi atu a tōna whānau ki ngā kaupapa a tō rātou marae.

I tino ākina ngā tamariki kia whai wāhi ki ngā kaupapa katoa ka whakatūria e te kura.

Ko tētahi haepapa hei kawe mā te kirirarau, ko te whai wāhitanga atu ki ngā kaupapa a tōna hapori.

WhakamĀrama Āpitihanga

Ko tētahi hua o tā te tangata whai wāhi atu ki ngā kaupapa a tōna hapori, a tōna marae rānei, ko tana noho huānga ki aua rōpū rā, me te aha he oranga wairua, oranga pāpori tērā mōna.

I ētahi wā ka whakatauria e te tangata kia kaua ia e whai wāhi atu ki ngā āhuatanga o te porihanga auraki, he kore nōna e tino whakapono, e tautoko rānei i ngā uara, i te āhua rānei o te whakahaere i ngā kaupapa o te porihanga. Ka kīia kua maunu ia i ngā whakahaere o te porihanga auraki.

Ina whakatauria e tētahi whenua kia kaua rātou e whai wāhi tonu ki tētahi pakanga, ka maunu ā rātou hōia. I te tau 2021 i maunu ngā hōia o Aotearoa i te pakanga i Awhekenetāna.

Ko te maunutanga kaumātua tētahi ariā e mea ana, ka kaumātua haere te tangata ka iti haere tana whai wāhitanga atu ki ngā kaupapa o tana hapori.

Arā hoki te kōrerohia o te maunutanga taiohi, arā, ko te kore o te whakahihikotanga kia whai wāhi atu ki tētahi kaupapa, mātua rā ko ngā kaupapa pea o te porihanga auraki, ko ngā kaupapa kua waihangatia e ngā reanga o mua.

Ko ngā take matua pea e maunu ai te tangata i ngā kaupapa o tōna hapori, ko te kore e tino whakapono ki aua kaupapa rā, ko te māngere, ko te nui pea o te utu.

Ko te inukorokoro hei ingoa mō te tangata kāore e tino whai wāhi atu ana ki ngā kaupapa o tōna hapori, arā, he tangata hōngongoi, he tangata hakorea.

KUPU KĒ ATU

kuhukuhu

Tauira KŌrero

Kua tīmata anō te whai wāhi atu a tōna whānau ki ngā kaupapa a tō rātou marae.

I tino ākina ngā tamariki kia whai wāhi ki ngā kaupapa katoa ka whakatūria e te kura.

Ko tētahi haepapa hei kawe mā te kirirarau, ko te whai wāhitanga atu ki ngā kaupapa a tōna hapori.

WhakamĀrama Āpitihanga