Ko tāu mahi, he pato i te kupu e hiahia ana koe, ahakoa he kupu Māori, he kupu Ingarihi rānei. I a koe e pato ana ka puta ngā kupu hei kōwhiri māu i te mea e hāngai ana ki tāu e rapu nā.
Ina wareware i a koe te tohutō te pato, mā Paekupu tonu e whakaatu.
Mō ngā kupu katoa, ka whakaaturia:
Ka whakamāramatia te takenga mai o ētahi o ngā kupu waihanga, arā, he aha i whakamahia ai taua kupu hei whakaata i tērā tikanga. He mārama tonu te takenga mai o ētahi o ngā kupu, pērā i te ‘papamārō’ mō te ‘hardboard’, nō reira kāore te takenga mai o aua kupu e whakaaturia.
Mēnā e hāngai ana, ka whakaaturia hoki he kupu kē atu, arā, he kupu taurite.
Koia nei ngā wāhanga o roto i ngā whakamārama o ngā kupu matua:
Ka whakamāramatia i konei te tino tikanga o te kupu e hāngai ana ki te wāhanga ako o taua kupu. Ka tuhia hoki te whakapākehātanga o tēnei whakamārama.
Kua tuhia ētahi tauira o te whakamahinga o te kupu i roto i te rerenga kōrero, arā, he rerenga pātai, he rerenga tohutohu, he rerenga whakamārama. He pūtohu oro kei te taha o ia tauira kōrero. Ina pāwhiria te pūtohu oro ka rangona te whakahuatanga o taua rerenga kōrero.
Kei konei te roanga atu o te whakamārama o te kupu me ngā pikitia, ngā whakaahua e hāngai ana. Ka whai wāhi i konei ngā whakamārama mō ētahi atu kupu e tino whai pānga ana. Hei tauira, ka whakamāramatia te ‘peita kiriaku’ ki tēnei wāhanga o te whakamārama o te kupu 'peita'.
Mēnā kua tārarotia tētahi kupu ki te rārangi kahurangi, he toronga tōna. Ina puritia te kiore ki taua kupu, ka kitea tōna whakapākehātanga. Ina pāwhiria, ka toro atu ki taua kupu tonu i te papakupu.