WhakamĀrama Āpitihanga
E hono ana te manarite me te tautika, engari he rerekē tētahi i tētahi. Ko te manarite o roto i te porihanga, koia ko te ōrite o ngā kōwhiringa me ngā arawātea o tēnā, me tēnā, ko te ōrite o tā te porihanga hāpai i tēnā me tēnā, ahakoa tōna tūranga pāpori, tōna mātāwaka, tōna āhua kē atu rānei.
Ko te tautika, koia ko tā te porihanga tuku i te tautoko i runga i ngā āhuatanga e matea ana e tēnā me tēnā, kia ōrite ai ngā hua ka puta. Ki te kore e ōrite ngā hua ka riro i tēnā i tēnā, ka kīia he tautika-kore.
Ko te āputa matihiko tētahi tauira o te tautika-kore o tō tātou porihanga i Aotearoa, kua ara ake i ngā tau tata nei. Koia ko te kore o te whai wāhi atu o ētahi wāhanga o te hapori ki te tukutuku ao whānui me ōna pūhara matihiko, pērā i te ipurangi, i te īmēra me ngā pae pāhopori. He rawakore nō rātou, he kore mōhio, he noho ki tuawhenua mamao rānei ngā take.