Tikanga ā-Iwi

porihanga

society

tūingoa

WHAKAMĀRAMA

He huinga tāngata tokomaha e noho tahi ana, e noho nahanaha ana ki tētahi whaitua, ā-whenua, ā-pori rānei. Ka noho te porihanga ki raro i tētahi mana tōrangapū, ki roto hoki i ōna anō tikanga ahurea whānui.

A large grouping of people living together in an organised way in a physical or social space. A society is subject to a political authority and exists within its own general cultural customs.

Tauira KŌrero

E tino kitea ana te kaikiri i roto i ētahi wāhanga o te porihanga o taua whenua rā.

Ka whakatauria ngā ture i runga i te whakaaro ka whaihua ki te porihanga whānui.

E tika ana kia āta kitea ngā mata kanorau o te porihanga whānui ki ngā tūranga o roto i te mana whakahaere i te porihanga.

WhakamĀrama Āpitihanga

E tino kitea ana te porihanga whai paparanga i ētahi whenua, i roto hoki i ngā rautau o mua. Arā pea, he paparanga rangatira, he paparanga o te hunga whai pūkenga, he paparanga kaimahi, he paparanga pononga te hanga o te porihanga. Hei tauira o te porihanga whai paparanga, ko te porihanga ā-iwi, ko ngā porihanga whakaapaapa o ngā whenua o Ūropi mai i te takiwā o te 500AD ki te 1450 o ngā tau. Hei whakaatu i te porihanga whai paparanga:

Ko te hapori, he wāhanga iti tērā o roto i tētahi porihanga. Hei tauira:

Ko te hunga e noho ana ki tētahi wāhi pērā i te tāone.
Ko te hunga e whai wāhi atu ana ki tētahi whakahaere pērā i te hapori kura.
Ko te hunga e kotahi mai ana i raro i tētahi momo mahi pērā i te hapori ākonga.

I ēnei rā o te whitimamao matihiko, e kaha kōrerotia ana te porihanga mātauranga. Koia ko te porihanga e whai wāhi atu ana te katoa ki ngā momo mātauranga huhua tonu, inā e putu matihiko mai ana i te ipurangi.

Tauira KŌrero

E tino kitea ana te kaikiri i roto i ētahi wāhanga o te porihanga o taua whenua rā.

Ka whakatauria ngā ture i runga i te whakaaro ka whaihua ki te porihanga whānui.

E tika ana kia āta kitea ngā mata kanorau o te porihanga whānui ki ngā tūranga o roto i te mana whakahaere i te porihanga.