He kaimahi nō roto i te rāngai hauora, ahakoa rāngai tūmatanui, rōpū tūmataiti, rōpū ā-iwi rānei. Ko tā rātou, he whakaiti, he kaupare i ngā momo māuiui, he tautohu, he rongoā, he rangahau i ngā māuiui, otirā, he hāpai i te oranga whānui o te iwi.
A worker in the health sector, be that the public sector, private or tribal groups. They undertake to minimise and prevent illness, they diagnose, treat and research illness, and work to uplift the overall health of the people.
tū - position, stance
tū - e whai ana i tā te tūao
ngaio - expert, clever, professional
Ko tāna e tino whai ana, kia puta tana ihu hei tūngaio hauora mō tōna iwi.
Kua tahuri te iwi ki te poipoi i ā rātou ake tūngaio hauora, hei whakapiki i te kounga o ngā ratonga hauora o roto i te hapori.
Ko Te Rau Matatini tētahi kaupapa i whakatūria i te tau 2002 hei whakapiki i te tokomaha o ngā tūngaio hauora Māori.