!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

poka ~ia ~nga

operate, operation (medical), surgery

tūingoa, tūmahi whiti, tūāhua

WHAKAMĀRAMA

He mahi ōkiko kia rongoātia tētahi wharanga, tētahi mate rānei, mā te tango atu, mā te rāwekeweke, mā te whakatika rānei i te whēkau, i te pūtautau, i te wheua rānei e mate ana.

Physical action to remedy an injury or illness, by removing, repairing or mending the organ, tissue or bone that is not functioning properly.

Tauira KŌrero

I pokaia te manawa o te koroua i tērā marama, nā whai anō te piki o tana ora.

Kua ono marama ia e tatari ana kia pokaia tana hope, ā, e tino rongo ana ia i te ngau o te mamae.

Kua whiwhi pūtea te rūnanga hauora ā-rohe kia whakahouhia ngā taiwhanga poka katoa o te hōhipera.

WhakamĀrama Āpitihanga

Tērā te poka ohotata mēnā ka taotū te tangata, ka puta ohorere rānei tētahi mate, pērā i te mate manawa. Ko te poka whakarite he mea ka tāpuia mō tētahi wā, ehara i te mea ka mate te tangata ki te kore e pokaina wawetia. Ko te whākapi pona me te poka arotahi hei tauira o te poka whakarite.

Ko te wāhi e pokaia ai te tangata i rō hōhipera, ka kīia ko te taiwhanga hāpara, he wāhi tino motuhake, he motuhake ōna momo taputapu, he mea nui hoki te akuaku o roto hei whakakore i te pokenga, he tino pūkenga hoki ngā rata hāparapara me ngā tapuhi hāpara.

Mēnā he poka nui, he poka kōkuhu rānei, ka whakamoea te tangata kia kore ai ia e rongo i te mamae o te poka. Ka kīia tērā ko te rehu whānui. Ko te mahi tērā a te rata whakarehu, ā, ko tāna anō, he āta mātaki i te tūroro i a ia e pokaia ana, me te whāngai tonu i te rongoā whakarehu mēnā ka oho ia.

Mēnā he poka iti, ka whakamoea pea te wāhi ake o te poka, koirā noa iho. Ka kīia tērā ko te rehu whāiti. Ko te rehu tuaiwi hei tauira o te rehu whāiti, koia hei whakamāmā i te mamae ka pākia ki tērā wāhi o te tinana nā te pēhitanga o ngā io kei te aho tuaiwi.

Ko te hāpara kōhao tētahi momo poka, he māmā ake i te poka kōkuhu. He iti noa iho te haenga, ā, ka whakaurua he pū ki roto i taua haenga kia tae atu ki te wāhi o te tinana e mate ana, pērā i te manawa. He aho, he kāmera, he taputapu hāpara anō ka whakaurua ki taua pū hei whakamahi mā te rata hāparapara.

Ko te hāpara whakapaipai hei ingoa mō te momo hāparapara whakarākei i te āhua o te tangata. He momo tēnei ka kōwhiria e te tangata i runga i tana whai kia ātaahua ake tana tinana, hei hiki anō i tōna kiritau.

Mēnā e korohape ana tētahi wāhanga o te tinana, ko te hāpara ahuahu te momo hei whakatikatika i tērā. Hei tauira, ko te whakapaipai i te kiri i muri i te weranga, i te mate pukupuku kiri rānei. Ka kīia tērā ko te kiri uwhi.

Ka tapaina te momo poka mā te tāpiri i te wāhi o te tinana e pokaia ana. Hei tauira o ētahi:

Takenga Mai

poka - to cut out

KUPU KĒ ATU

hāparapara

Tauira KŌrero

I pokaia te manawa o te koroua i tērā marama, nā whai anō te piki o tana ora.

Kua ono marama ia e tatari ana kia pokaia tana hope, ā, e tino rongo ana ia i te ngau o te mamae.

Kua whiwhi pūtea te rūnanga hauora ā-rohe kia whakahouhia ngā taiwhanga poka katoa o te hōhipera.

WhakamĀrama Āpitihanga