!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

kāwanatanga

government

tūingoa

WHAKAMĀRAMA

Ko te kāhui tāngata, ko te rūnanga, kei a rātou te mana whakahaere i tētahi whenua. He kāwanatanga manapori tō Aotearoa, mā te pōtitanga whānui i ia toru tau e whakatauria ai ki tēhea rōpū tōrangapū te ringa kaha hei kāwana.

The group or council of people which has management authority for a nation. Aotearoa has a democratic government, where the general election held every three years determines which political party will hold the reins of power to govern.

Tauira KŌrero

Te āhua nei ka tū anō rātou hei kāwanatanga mō te toru tau e haere ake nei.

Kua ono tau ināianei te kāwanatanga aromauī o tērā whenua, e whai ana i te tōkeketanga mō te katoa.

Ko wai mā ētahi whenua he kāwanatanga tuanui tō rātou?

WhakamĀrama Āpitihanga

I Aotearoa, ka pōtihia ngā māngai pāremata i ia toru tau, ā, ka riro i te rōpū tōrangapū toa te kāwanatanga o tō tātou motu. Ka kīia ko rātou hei kāwanatanga ā-motu. Ka whakatūria e te kāwanatanga ā rātou minita, ko rātou hei whakahaere i ngā manatū pērā i te manatū Hauora, i te manatū Mātauranga (kua tapaina ko Te Tāhuhu o te Mātauranga), me te manatū Ōhanga.

Ko te rūnanga minita te rōpū e tino whai mana ana i roto i te kāwanatanga, ko te Pirimia hei upoko.

Ko te huihuinga o ngā kaitōrangapū o ia rōpū ka pōtihia ki te pāremata, ka kīia he uepū.

Ka wānangahia, ka tautohetia ngā kaupapa, ngā mahi me ngā ture hou a te kāwanatanga i rō pāremata. Ko te mahi a ngā rōpū ātete o te pāremata, he aroturuki i te kāwanatanga, he tuku mākoi ki a rātou kia mōhio ai te marea e mahia ana ngā mahi kāwanatanga i runga i te tika me te pono. Ka kīia tēnei momo pūnaha kāwanatanga he kāwanatanga haepapa.

Ko ngā kaunihera ā-rohe puta noa i Aotearoa tētahi atu pūnaha kāwanatanga i Aotearoa, ka kīia ko te kāwanatanga ā-rohe. Kei a rātou te mana whakahaere i ētahi āhuatanga o ngā tāone me ngā hapori, pērā i te pūnahahanga wai māori, wai ua, wai para, i ngā papa tāpui me ngā papa hākinakina, i ngā huarahi o te tāone, me te maha noa atu.

Koia nei te hanga o te pūnaha kāwanatanga o Aotearoa:


I te manapori, mā te pōti a te marea e tū ai, e hinga ai rānei te kāwanatanga. I ētahi wā, i ētahi whenua o te ao, ka turakina te kāwanatanga mā te pāhoro a tētahi rōpū. I te tau 2010 i turakina te kāwanatanga tuanui o Nigeria e tētahi rōpū e whawhai ana kia whakahokia mai ngā mōtika manapori ki te iwi. He pāhoro tērā nā te ope hōia o reira.

Takenga Mai

He kupu mino.

Tauira KŌrero

Te āhua nei ka tū anō rātou hei kāwanatanga mō te toru tau e haere ake nei.

Kua ono tau ināianei te kāwanatanga aromauī o tērā whenua, e whai ana i te tōkeketanga mō te katoa.

Ko wai mā ētahi whenua he kāwanatanga tuanui tō rātou?

WhakamĀrama Āpitihanga