!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

kāwanatanga ā-rohe

local government

tūingoa

WHAKAMĀRAMA

Ko te pūnaha tōrangapū hei whakahaere i ngā āhuatanga me ngā take o te hapori, o te tāone, o te rohe rānei. Ka pōtihia e te marea he māngai hei whakatau i ngā take o tata, pērā i te taiao, i ngā whare me ngā papa tūmatanui, i ngā ratonga wai, tae atu ki ngā take pāpori pērā i te kāingakoretanga.

The political system which controls the circumstances and issues relating to communities, towns and districts. Representatives are elected by the public to make decisions about local issues such as the environment, public buildings and spaces, water services and social issues such as homelessness.

Tauira KŌrero

Āhea tū anō ai ngā pōti kāwanatanga ā-rohe?

E tika ana kia riro mā te kāwanatanga ā-rohe ērā momo take e whakatau.

E whai mana ana te kāwanatanga ā-rohe i raro i ngā ture ka whakatauria e te kāwanatanga ā-motu.

WhakamĀrama Āpitihanga

Arā ngā momo kaunihera i Aotearoa ka taka ki raro i te kāwanatanga ā-rohe. Koia nei ētahi:

Hui katoa, 11 ngā kaunihera ā-takiwā, 12 ngā kaunihera ā-tāone, e 54 ngā kaunihera ā-rohe huri noa i Aotearoa. E ono hoki ngā kaunihera whakatōpū, koia ko ngā kaunihera e kawe ana i te mana o te kaunihera ā-tāone me te kaunihera ā-takiwā. Ko Te Kaunihera o Tāmakimakaurau tētahi.

Pōtihia ai ngā māngai kaunihera i ia toru tau. Ka wehea te tāone, te rohe, te takiwā rānei ki ōna rohe pōti, ā, ka pōtihia ngā māngai mō aua rohe. Ka pōtihia hoki he kahika hei upoko mō ngā kaunihera ā-tāone me ngā kaunihera ā-rohe. Mō ngā kaunihera ā-takiwā, ka pōtihia te upoko e ngā māngai kaunihera. I ngā rohe maha o Aotearoa he uaua te pōtihia o te māngai Māori ki te kaunihera, nō reira e tahuri ana ētahi ki te whakatū rohe pōti Māori, mā reira e whai reo ai te Māori ki roto i ngā nekeneke o te kāwanatanga ā-rohe.

Ka whakatūria he rūnanga hapori, i ētahi wāhi he rūnanga mana whenua hoki, ko rātou hei tuku i ngā whakaaro me ngā kōrero a te iwi ki ngā kaunihera.

Tauira KŌrero

Āhea tū anō ai ngā pōti kāwanatanga ā-rohe?

E tika ana kia riro mā te kāwanatanga ā-rohe ērā momo take e whakatau.

E whai mana ana te kāwanatanga ā-rohe i raro i ngā ture ka whakatauria e te kāwanatanga ā-motu.

WhakamĀrama Āpitihanga