Tikanga ā-Iwi

manapori

democracy, democratic

tūingoa, tūāhua

WHAKAMĀRAMA

He momo whakahaere whenua, whakahaere rōpū rānei, inā ka rangona te reo me ngā hiahia o te iwi whānui, mātua rā mā te pōti i ngā māngai o te pāremata, o te rōpū rānei.

A way of operating a nation or a group, where the voices and wishes of the people are taken in to account, mainly by voting for representatives of parliament or the group.

Tauira KŌrero

Ko ia te māngai manapori mō tō rohe, nō reira me tāpae atu tō take ki a ia.

He whenua manapori a Aotearoa, ka pōtihia te kāwanatanga i ia toru tau.

Ko te tuku pōti tētahi haepapa matua hei kawe mā te kirirarau o roto i tētahi manapori.

WhakamĀrama Āpitihanga

Ko te tūāpapa o te manapori, ko te mōtika o ngā tāngata katoa ki te tuku pōti, ki te whakaputa hoki i ō rātou whakaaro mō te whakahaere i te whenua me ōna ture, waihoki he mana ōrite te reo o tēnā, me tēnā. Ka kīia tērā ko te manapōti. Mā konei e riro ai ko te reo o te tokomaha te reo whaimana, te reo ka whāia nuitia e ngā māngai kāwanatanga. Ka kīia tērā ko te manapio. I ētahi wā, ka ngaro te reo o ngā rōpū tokoiti, ka kore e rangona, ka kore rānei e arohia e ngā māngai kāwanatanga. Ka pērāhia ngā iwi taketake i ngā whenua huri i te ao.

Ko te tikanga, ka hāpaitia ngā momo mōtika tangata i roto i te manapori, pērā i te manawhiri kōrero. Engari anō i ētahi manapori, ka kore tonu e arohia ētahi mōtika tangata, pērā i te mōtika iwi taketake.

Ko te tuanuitanga te tauaro o te manapori. Ka aukatia ngā mōtika tangata i te tuanuitanga, ka kore te iwi e whai reo i roto i ngā whakahaere, kei te tangata kotahi me āna apataki te ringa kaha.

He kāwanatanga manapota kei ētahi whenua. I tēnei momo, karekau he māngai mō ētahi wehewehenga o roto i te porihanga, pērā i ngā iwi mangumangu i te whenua o Āwherika ki te Tonga i te wā o te momotu iwi, i mua i te whakatūtanga o Nelson Mandela hei upoko mō taua whenua rā. I noho manapōti-kore ngā iwi mangumangu i taua wā.

Ko te ara matua e rangona ai te reo me ngā hiahia o te iwi whānui i roto i tētahi manapori, ko te pōti i te kāwanatanga manapori i ia toru tau, whā tau rānei. Ka kīia tērā he pōtitanga whānui. He maha ngā momo pūnaha pōti rerekē mō te pōti kāwanatanga, ko te momo i Aotearoa ko te pōti whirirua.

Takenga Mai

mana - power, authority

pori (porihanga) - society

Tauira KŌrero

Ko ia te māngai manapori mō tō rohe, nō reira me tāpae atu tō take ki a ia.

He whenua manapori a Aotearoa, ka pōtihia te kāwanatanga i ia toru tau.

Ko te tuku pōti tētahi haepapa matua hei kawe mā te kirirarau o roto i tētahi manapori.

WhakamĀrama Āpitihanga