Tikanga ā-Iwi

tuanui ~tanga

dictatorship, dictatorial

tūingoa, tūāhua

WHAKAMĀRAMA

He momo kāwanatanga, inā kei te tangata kotahi te ringa kaha ki te whakahaere i ngā āhuatanga o tōna whenua. Kāore ia i pōtitia e te iwi, waihoki mā tana ope pirihimana, ope hōia hoki tōna mana e hāpai, tana iwi e tāmi. 

A type of governance where the power to control all aspects of a nation rests with one person. They are not elected by the people and their police and army uphold their authority and suppress the people.

Tauira KŌrero

Ka aroha hoki tērā iwi e tūkinotia ana i raro i tō rātou kāwanatanga tuanui.

Kua kore te manawhiri kōrero o te iwi i raro i te tuanuitanga.

Nāwai rā ka whana te iwi, ka tutū te puehu, ka turakina te tuanuitanga.

WhakamĀrama Āpitihanga

Me he tino kino te nonope a te manatuanui i tana iwi, ka kīia taua pūnaha whakahaere whenua he angangarengare. He taingarengare a Pol Pot i te whenua o Kamapōtia i ngā tau 1975 ki te 1979. I aua tau rā, e pātata ana ki te rua miriona tāngata i kōhurutia, i mate rānei i te poho tikoko me te tahumaero. He manatuanui a Hitler i te whenua o Tiamana i te wā o Te Pakanga Tuarua o te Ao. Ko te momo pūnaha kāwanatanga i raro i a Hitler, ka kīia he angamatau whakapēhi. Ko tā tēnei momo, he pēhi i tōna iwi, he whakahaere i ngā āhuatanga katoa o te porihanga, he hao i ngā rawa mō te manatuanui me āna apataki tokoiti.

I te tīmatanga o ētahi tuanuitanga, ka whāia he kaupapa hei hāpai i te iwi, ā, ka kīia he tuanui arotau. Nāwai rā ka whakakonuka haere, ka kino haere te tāmia o te iwi. Ka noho rangatira te tokoiti o te kāwanatanga tuanui, ka noho pakukore te tokomaha. Ina whakaputa kōrero te iwi mō te tikakore o tā rātou noho, ina tū ake ki te whawhai mō te tika, ka tere tāmia e te manatuanui.

Mēnā kei tētahi rōpū iti, kei ētahi whānau tokoiti rānei te mana tōrangapū ki te whakahaere i te whenua, ka kīia he mana tokoiti tērā. Ko te hunga pūwhero anake te hunga ka whai wāhi atu ki te mana tokoiti, ā, ko te aronga matua ko te oranga tonutanga o te pūwhero ki runga ake i tō te marea.

Takenga Mai

tuanui - harsh, overbearing

tuanui (whakatuanui) - authoritarian, autocratic

Tauira KŌrero

Ka aroha hoki tērā iwi e tūkinotia ana i raro i tō rātou kāwanatanga tuanui.

Kua kore te manawhiri kōrero o te iwi i raro i te tuanuitanga.

Nāwai rā ka whana te iwi, ka tutū te puehu, ka turakina te tuanuitanga.

WhakamĀrama Āpitihanga