Hauora

pūkenga kori

physical skill

tūingoa

Ko te āhei o te tinana ki te whakatutuki i āna momo koiri i runga i te māmā me te pai o te neke, pēnei i te hīkoi, i te hopu pōro, me te tuhi.

The ability of the body to perform different movements with ease and efficiency, such as walking, catching a ball and writing.

He aha ngā pūkenga kori hei ako mā te kōhungahunga i te kōhanga reo?

Ko te reretahi o te karu me te ringa tētahi āhuatanga matua e tutuki pai ai ngā momo pūkenga kori.

Ko tāna, he āta tirotiro i ngā pūkenga kori ka mātua whakamahia i te pā whutupōro.

Koia nei ētahi pūkenga kori matua i roto i ngā momo hākinakina maha:

Ko te omaoma. I ētahi hākinakina ko te oma torotika, i ētahi ko te kapekapetau, arā, te kakama o te neke ki mua, ki muri, ki ngā taha.
Ko te hopu me te whiu pōro. Arā kē ngā momo whiu, pērā i te whiu tukurunga me te whiu tukuraro, ngā momo epa i te kirikiti me te poiuka, tae atu ki ngā momo maka i te whutupōro, i te poitarawhiti me te poitūkohu, pērā i te maka poho.
Ko ngā momo whana pōro, pērā i te whana ripi, i te whana nuku i te whutupōro, me te whanawhana i te poiwhana.

Arā hoki te tūkawe a te tangata e tutuki ai i a ia tētahi pūkenga kori, pērā i te tūkawe hopu pōro:

Kia mau te aro o te karu ki te pōro.
Kaua e kapo i te pōro, engari me tuwhera ngā kapu ringa e rua ki mua i te tinana, ā, ka waiho kia tau mai te pōro ki roto.
Me toro ngā matimati kia tīrara.

He aha ngā pūkenga kori hei ako mā te kōhungahunga i te kōhanga reo?

Ko te reretahi o te karu me te ringa tētahi āhuatanga matua e tutuki pai ai ngā momo pūkenga kori.

Ko tāna, he āta tirotiro i ngā pūkenga kori ka mātua whakamahia i te pā whutupōro.