!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

pā whutupōro

touch rugby, touch football

tūingoa

WHAKAMĀRAMA

He momo hākinakina i pūtakea mai i te rīki me te whutupōro, ko te rerekētanga matua ko te whakakapi i te rutu ki te te pā o te ringa ki te tinana o te hoariri. Kāore hoki ētahi atu āhuatanga tukituki o te rīki me te whutupōro, pērā i te kakari me te kaunuku.

A sport that is derived from league and rugby, the main difference being the replacement of the tackle with touching the hand on an opponent's body. Other physical aspects of league and rugby, such as scrums and mauls, are also absent.

Tauira KŌrero

He mea whakaingoa ia mō te kapa pā whutupōro o te rohe ka haere ki te whakataetae ā-motu ā te Hakihea.

Ko ia te waetea o tō mātou kapa pā whutupōro.

Ko te taha whakawhanaunga o te pā whutupōro te mea e tino pai ana ki a ia.

WhakamĀrama Āpitihanga

Tokoono ngā kaitākaro o ia kapa kei te papa tākaro i te wā kotahi, ko ngā whakahiri kei te paetaha e tatari ana ki te whakakapi i tētahi.

Ko te kapa kei a ia te pōro, koia te kapa kōkiri, ko te hoariri te kapa kaupare. Ko tā ngā kaipare, he whakapā ringa ki te tinana o te hoariri e mau ana i te pōro. Ka tū ki reira te kaikōkiri, ā, ka pīrori whakamuri i te pōro i waenga i ōna waewae. Ka kapoa ake e te hoakapa e whai ana i muri, ka kīia ko ia te tūtei. Ko tāna, he maka i te pōro ki tētahi hoakapa, he oma rānei.

I te pānga o te kaikōkiri, ka oma whakamuri te kapa kaupare kia rima mita te tawhiti i te wāhi pā, kātahi ka whaiwhai anō i ngā kaikōkiri i te pōro. Ina tutuki ētahi pānga e ono ka tukupōro te kapa kōkiri ki te kapa kaupare.

Ko te whāinga a te kapa kōkiri he whakatau i te pōro ki te paepiro, ki tua rānei o te paepiro. Ka kīia tērā he piro, kotahi te whiwhinga.

Koia nei ētahi kupu ka whakamahia i te pā whutupōro:

KUPU KĒ ATU

pā whutupaoro

pā pōro

Tauira KŌrero

He mea whakaingoa ia mō te kapa pā whutupōro o te rohe ka haere ki te whakataetae ā-motu ā te Hakihea.

Ko ia te waetea o tō mātou kapa pā whutupōro.

Ko te taha whakawhanaunga o te pā whutupōro te mea e tino pai ana ki a ia.

WhakamĀrama Āpitihanga