!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

kōti

court

tūingoa

WHAKAMĀRAMA

He huihuinga ōkawa e rangona ai ngā taunakitanga e hāngai ana ki ngā taha katoa o te take e whakawākia ana. Ka whakatauria te take i runga anō i ngā ture e hāngai ana, ā, mēnā he take taihara ka whakatauria hoki te whiu. Ko te whāinga nui a te kōti, kia whakatauria ngā take ka kawea ki a ia i runga i te tika.

A formal meeting where evidence pertaining to all sides of the issue under judgement is heard. Decisions to resolve the issue are made with regard to the relevant laws, and if it is a criminal offence a penalty is also decided upon. The court is tasked with resolving cases brought before it in a just manner.

Tauira KŌrero

Kua kawea te take rā ki te kōti ki reira whakatauria ai.

Kei te putunga kōrero a te Kōti Whenua Māori pea ētahi kōrero e mōhio ai koe ki te hītori o tēnei poraka whenua.

Ko tāna e tohe ana, kāore e ōrite ana tā te kōti tuku i te tika ki te Māori, inā te nui o te ōrau o te hunga mauhere he Māori.

WhakamĀrama Āpitihanga

Ko te mahi a ngā momo kōti i Aotearoa, he whakaū i ngā ture taihara, he whakatau i ngā taututetute i waenga i ētahi tokorua, he hāpai i ngā mōtika kiritahi, mōtika kiritōpū anō hoki. E noho wehe kē ana te pūnaha kōti o Aotearoa i te kāwanatanga, engari e herea ana ngā kōti ki te hāpai i ngā ture a te kāwanatanga.

Koia nei te hanga o te pūnaha kōti o Aotearoa, ko te Kōti Mana Nui ki runga. Ko te nuinga o ngā take ka rangona i te Kōti ā-Rohe, ahakoa he take taihara, he take porihanga rānei. Mēnā he taihara nui, he take porihanga nui rānei, ka rangona i te Kōti Matua. Mēnā e whakaaro ana tētahi taha kāore i tika te whakataunga a tētahi kōti, e taea ana te take te kawe ki te kōti o runga ake, arā, ki te Kōti Matua, ki te Kōti Pīra, ki te Kōti Mana Nui rānei.

Ko te kaiwhakawā te upoko o te kōti, ko ia hei whakahaere i tā ia taha tāpae taunakitanga, whakatakoto kōrero. I ētahi wā, ko ia hoki hei whakawā, hei whakatau i te take me te tuku anō i te whiu mēnā he take taihara. I ētahi take taihara, ka whakatūria he hunga whakawā. Tekau mā rua ngā tāngata o te hapori ka tīpakona kia noho hei hunga whakawā mō tētahi take. Ko noho rātou ki te whakarongo ki ngā tāpaetanga kōrero, ā, ko rātou anō hei whakawā i te take. E tika ana kia puta te whakatau i runga i te whakaaro kotahi, āe rānei i hara te tangata, i harakore rānei.

Takenga Mai

He kupu mino.

Tauira KŌrero

Kua kawea te take rā ki te kōti ki reira whakatauria ai.

Kei te putunga kōrero a te Kōti Whenua Māori pea ētahi kōrero e mōhio ai koe ki te hītori o tēnei poraka whenua.

Ko tāna e tohe ana, kāore e ōrite ana tā te kōti tuku i te tika ki te Māori, inā te nui o te ōrau o te hunga mauhere he Māori.

WhakamĀrama Āpitihanga