Ko te āwhā i Te Tai Rāwhiti i te tau 2018, me te mahi a ngā umanga whakatipu rākau paina, ngā pūtake i hua ake ai te horowhenua, te waipuke, me te nui o te paketai i taua rohe rā.
Ko te mahi a te kāwanatanga ki te raupatu whenua, ki te whakatū i ngā ture tango whenua, te pūtake i hua ake ai te noho mōriroriro a ētahi iwi i ō rātou whenua ukaipō.
Ko te pūtake tautini tētahi mea kua roa e haere ana, kua roa rānei e whāia ana, pērā i te momi tupeka. He pūtakenga tautini tērā o te mate pukupuku.
Mēnā he wā poto noa iho te hua o tētahi mahi, ka kīia he hua taupoto. Ko te hua taupoto o te ruinga haumako horihori ki te whenua, ko te matomato o te tipu. Ko te hua tautini ko te whakakinotanga o te oneone.
Ko tētahi āhuatanga o roto i te hītori, he āta tirotiro i ngā pūtake o mua o tētahi pūāhua, o tētahi whanaketanga, o tētahi nekeneke rānei, mā reira e puta ai he māramatanga ki taua āhuatanga rā. Hei tauira, ko te tāmi, ko te apo whenua a ngā kirinoho o Ingarangi, ko tā te kāwanatanga tātāmi whakatau mana ki runga i ngā iwi Māori ētahi o ngā pūtake o mua i ara ake ai he pakanga i Aotearoa.