kotahi ~tanga

unity, unified, solidarity

WHAKAMĀRAMA

E tohu ana i te mahi ngātahi a te tāngata, a te rōpū, a te iwi rānei. E whakaaehia whānuihia ana e rātou tētahi whakaaro, tētahi tikanga, tētahi ture, tētahi kaupapa rānei.

Indicating that individual people, groups or tribes work together, where they all support a particular idea, custom, law or initiative.

Tauira KŌrero

I tū kotahi te iwi Māori ki te whakahē i te ture takutai moana a te kāwanatanga.

E raru ana te kotahitanga ā-pori i te āhua o ngā whakairinga pāhopori a te tokomaha, e wāhi rua ana i te iwi.

Kua tino mimiti haere te kotahitanga o te iwi i ngā tau tata kua pahure nei.

WhakamĀrama Āpitihanga

Hei tauira o ētahi momo kotahitanga:

Ko te kotahitanga ā-ōhanga. Ka mahi ngātahi ngā whakahaere tauhokohoko me ngā umanga o ētahi whenua, pērā i Te Tōpūtanga o Ūropi, arā, ka whai ngātahi i ngā ture me ngā whakaritenga a te tōpūtanga.
Ko te kotahitanga pāpori. Ko te noho mārire o ngā rōpū maha o roto i te porihanga i runga i te ngākau tapatahi me te whakaute a tētahi i tētahi. Ka kīia tērā he porihanga kauawhi. Mēnā e noho tautika-kore ana ētahi wāhanga o roto i te porihanga, i runga anō i ō rātou tūranga ohapori, i ō rātou mātāwaka rānei, ko te porihanga tōtara wāhi rua, ko te ahitere te hua, ā, ka kīia tērā he porihanga kaupare, he porihanga kiripiro rānei. Ākene pea ko te taututetute, ko te whananga te otinga atu ā tōna wā, nā runga i te hūngeingei o te iwi whānui ki te tautika-kore me te tikakore.

Ko te kotahitanga tētahi āhuatanga nui o te whenua houkura, arā, e noho aumārire ana ōna tāngata me ōna rōpū ā-iwi, ka mutu, he porihanga māhaki e noho huānga mai ana te katoa. I tua atu i tērā ko te tōnui o ngā rawa, ko te pukahu o te kai e ora pai ai te katoa, ko te whai wāhitanga atu ki te mātauranga, ko te arawātea ōrite mō te katoa.

Ko te whenua houmate te tauaro o te whenua houkura, inā te kore o te kotahitanga pāpori, te tautika-kore o ngā putanga, te taututetute a ngā rōpū, me te hē anō o te ōhanga.

I tū kotahi te iwi Māori ki te whakahē i te ture takutai moana a te kāwanatanga.

E raru ana te kotahitanga ā-pori i te āhua o ngā whakairinga pāhopori a te tokomaha, e wāhi rua ana i te iwi.

Kua tino mimiti haere te kotahitanga o te iwi i ngā tau tata kua pahure nei.