!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

taututetute

conflict, dispute

tūingoa, tūmahi whiti

WHAKAMĀRAMA

Ko te tautohe, te raruraru rānei ka pupū ake ki waenganui i te tangata, i te rōpū rānei, kāore tētahi e whakaae ana ki te mahi, ki te whanonga, ki te whakaaro rānei o tētahi.

A disagreement or dispute which arises between people or groups, where one does not agree with the actions, behaviour or thoughts of another.

Tauira KŌrero

I te pupūnga ake o te taututetute, ka tū ngā pihi o Eruera mā, nāwai rā ka tū rātou ki te haka.

He mātanga ia ki te hohou i te rongo, ki te whakangāwari i te taututetute, me te kukume i ngā taha e rua ki te āta whakarongo tētahi ki tētahi.

Kua roa e taututetute ana te iwi Māori ki te kāwanatanga mō te mana ki te wai māori huri i te motu.

WhakamĀrama Āpitihanga

Koia nei ētahi take ka pupū ake tēnei mea te taututetute ki waenganui i ētahi tāngata, rōpū rānei:

Ina tino pupū ake te taututetute, he pakanga, he whawhai rānei te otinga atu. He pakanga ōkiko nei, he pakanga rānei i raro i ngā whakahaere o te ture. Ko te mahi whakatatū taututetute he tukanga ka whāia kia kore ai e pērā rawa te tutūnga o te puehu, arā, kia hohoungia te rongo ki waenga i ngā taha e rua e taututetute ana. Mēnā he karioi te hohounga o te rongo, ka kīia tērā ko te tatau pounamu, ko te rongo taketake rānei.

Arā ētahi atu momo taututetute:

KUPU KĒ ATU

taupatupatu

taukumekume

Tauira KŌrero

I te pupūnga ake o te taututetute, ka tū ngā pihi o Eruera mā, nāwai rā ka tū rātou ki te haka.

He mātanga ia ki te hohou i te rongo, ki te whakangāwari i te taututetute, me te kukume i ngā taha e rua ki te āta whakarongo tētahi ki tētahi.

Kua roa e taututetute ana te iwi Māori ki te kāwanatanga mō te mana ki te wai māori huri i te motu.

WhakamĀrama Āpitihanga