!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

rorohiko

computer

tūingoa

WHAKAMĀRAMA

He pūrere tāhiko, ko tāna, he pupuri, he tukatuka raraunga matihiko. He pūtāuru ō te rorohiko e taea ai e te kaiwhakamahi āna tohutohu te tuku. He pūmanawa ō te rorohiko hei tukatuka, hei rokiroki i ngā raraunga. He pūtāputa hoki ō te rorohiko pērā i tōna mata me ōna tukuoro.

An electronic device used for holding and processing digital data. A computer has input devices to enable a user to send their instructions. A computer has software which processes and stores data. A computer also has output devices such as its screen and speakers.

Tauira KŌrero

E mahi ana ia i te nuinga o āna mahi kura i te rorohiko.

E hono ana tō rorohiko ki te ipurangi, kāore rānei?

Kua tino pōturi te haere o taku rorohiko i ngā rā kua taha ake nei.

WhakamĀrama Āpitihanga

Anei ngā pūmārō matua o tētahi rorohiko papamahi. Ka kīia te tukuoro me te mata, he pūrere tāputa, inā he whakaputa oro, he whakaatu ata rānei te mahi. Ka kīia te papapātuhi, te kiore, te hopuoro me te kātuku, he pūrere tāuru. Mā ēnei pūrere e whakaurua ai he raraunga, he tohutohu rānei ki te rorohiko. Ko tā te kātuku, he hopu ataata hei pupuri ki te rorohiko, hei tuku rānei ki rorohiko kē atu mā te ipurangi:

He rorohiko kawekawe tēnei. He kauhuri te mata, ā, kei te rorohiko tonu te papapātuhi. He papapā tōna hei whakakapi i te wāhi ki te kiore:

He paparorohiko tēnei. He rorohiko kawekawe, karekau ōna papapātuhi ōkiko nei, engari he papapātuhi ā-mata tōna. Ko te īPapa tētahi momo e mōhio whānuitia ana, nā Apple i whakaputa i te tau 2010. E taea ana te mata whakapā o ēnei pūrere te pato hei kōwhiri i tētahi kōnae, i tētahi tono rānei, ka taea hoki te miri hei hūnuku i ngā tūemi, hei huri rānei i te katoa o te mata:

Ka whai wāhi atu te rorohiko papamahi, te rorohiko kawekawe me te paparorohiko ki te whakarōpūtanga rorohiko whaiaro. Katoa ēnei e pai ana i te kāinga, i te kura, i te wāhi mahi rānei, e tutuki ai ngā mahi pērā i te tukatuka kupu, te mātaki ataata, te whakarongo puoro, te tuku īmēra, me ērā atu tūmomo mahi o ia rā.

He momo rorohiko hoki te waea atamai, inā he pūtahiko whakahaere tōna, he pūmanawa whakahaere hoki.

Ko te pūnaha rorohiko, koirā ngā waehanga katoa e tutuki ai i te rorohiko āna mahi. Arā, ko ngā pūrere pūmārō pērā i te papapātuhi, i te kiore, i te rorohiko tonu, ko ngā pūmanawa hoki pērā i te pūnaha whakahaere.

Takenga Mai

roro - brain

hiko - electricity

hiko (tāhiko) - electronic

Tauira KŌrero

E mahi ana ia i te nuinga o āna mahi kura i te rorohiko.

E hono ana tō rorohiko ki te ipurangi, kāore rānei?

Kua tino pōturi te haere o taku rorohiko i ngā rā kua taha ake nei.

WhakamĀrama Āpitihanga