!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

ipurangi

internet

tūingoa

WHAKAMĀRAMA

He pūnaha kōtuitui whakahara tonu e hono atu ai tētahi rorohiko ki tētahi huri i te ao, e whakawhitia ai he kōrero, he puoro, he ataata he momo raraunga matihiko kē atu rānei. He maha ngā huarahi e tūhonoa ai tētahi rorohiko ki te ipurangi, pērā i te tukutuku ao whānui. Ko te whakawhiti īmēra tētahi atu whakamahinga nui o te ipurangi. 

A massive network system which connects computers to each other around the world, in order for information, music, video or other digital data to be exchanged. There are a variety of ways a computer can link to the internet such as through the world wide web. The transmission of email is another important function of the internet.

Tauira KŌrero

E tino piki ana te whakamahinga o te ipurangi i roto i ngā akomanga huri noa i Aotearoa.

He aha te wāhitau ipurangi o tō tāua rūnanga ā-iwi?

WhakamĀrama Āpitihanga

Koia nei ngā hononga ipurangi matua:

  1. Mā te tūhonowaea. Ka whakamahia te pūnaha waea kawereo ā-motu, ā, mā te pouwhanga e honoa atu ai te rorohiko. I ētahi pūnaha rorohiko he pūrere motuhake te pouwhanga, i ētahi kei roto te pouwhanga i te rorohiko tonu. Ka kīia tērā he pouwhanga ā-roto. Ko tā te rorohiko he tuku i te nama waea, ko tā te pouwhanga he huri i te rerenga kōrero hei rerenga matihiko. Kāore i te pērā rawa te tere o te tūhonowaea.


  2. Mā te tūhonoaho. He hononga ā-waea tonu tēnei engari he tere ake. Kāore te nama waea e tukuna i ia wā e tūhonoa atu ana ki te ipurangi, engari e kā tonu ana te hononga. Ko ētahi tūhonoaho he whatunga waea kua āta whakatakotoria mō te hononga ipurangi tonu te take. Ko te taura kaka ōmata te momo aho hou, he tino tere te whakawhiti raraunga matihiko.

  3. Mā te amiorangi. He hononga tēnei mā te ngaru irirangi, karekau he waea.


Ko ngā hononga ipurangi aunui e kā ana i ngā wā katoa, ā, he tere hoki te whakawhiti raraunga matihiko. Ehara te tūhonowaea i te hononga aunui.

Takenga Mai

ipu - container, vessel for holding anything

rangi - the heavens

ipurangi (whakaipurangi) - the head or source of a stream, a small storehouse

Tauira KŌrero

E tino piki ana te whakamahinga o te ipurangi i roto i ngā akomanga huri noa i Aotearoa.

He aha te wāhitau ipurangi o tō tāua rūnanga ā-iwi?

He ahokore te hononga ipurangi i te kura.

WhakamĀrama Āpitihanga