!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

pūrere

device

tūingoa

WHAKAMĀRAMA

He kupu whānui mō tētahi mea ka hangaia hei whakatutuki i tētahi mahi. He māmā ētahi, pērā i te pūniko hei ine taumaha. I ēnei rā he tāhiko te nuinga o ngā pūrere.

A broad term for something which is made to complete a particular function. Some are simple such as a spring for measuring weight. Contemporary devices are usually electronic in nature.

Tauira KŌrero

Kāore e whakaaetia ana he pūrere ki te tēpu kai o tō mātou kāinga.

Ko tā te kura, mā te ākonga tonu tāna ake pūrere e mau mai ki te kura.

Ko te nuinga o ngā momo pūrere o ēnei rā he mea ka honoa atu ki te ipurangi.

WhakamĀrama Āpitihanga

Ko te mīhini tētahi momo pūrere, he ōkiko te haere, pērā i te nihowhiti me te mekameka o tētahi pahikara hei whakahuri i te wīra o muri.

Ko te pūrere matihiko tētahi whakarōpūtanga matua. Ka taka ki tēnei rōpū ko te rorohiko, ko ngā momo pūrere kawekawe pērā i te waea pūkoro, i te waea atamai, i te paparorohiko me te wati atamai, ko te hangaoro, ko te maha noa atu. Ko te hiko te pūngao whakahaere, ā, ka honoa ētahi ki te ipurangi.

Mēnā e taea ana e tētahi pūrere āna mahi me te kore e tūhono atu ki pūrere kē, kā kīia he pūrere tūhāhā. He pūrere tūhāhā te waea pūkoro. Ehara te papapātuhi i te pūrere tūhāhā, inā kāore ōna take ki te kore e honoa ki te rorohiko.

Mā te pūrere tāuru e whakaurua ai he tohutohu ki te rorohiko, ki tētahi atu momo pūrere matua rānei. Ko te kiore, ko te papapātuhi hei tauira. He pūrere tītohu ētahi o ēnei, inā ko te tohu i tētahi mea e kitea ana i te mata o te rorohiko te mahi. Ko te kiore, ko te papatā, ko te kakautohu hei tauira.

Ko te pokitaringa, te purutaringa, te kaupane me te pūrere tā ētahi tauira o te pūrere tāputa, inā he whakaputa oro, he whakaatu ata, he whakaputa tānga ki te pepa rānei te mahi.

Ka puritia he kōnae matihiko ki te pūrokiroki. He pūrokiroki rāroto tō te rorohiko, arā hoki ngā momo pūrokiroki rāwaho pērā i te rākau pūmahara, te kōpae me te pukumārō.

Katoa ēnei he pūrere nā Āporo i whakaputa:

Takenga Mai

pū - source, base, foundation

rere - to flow

Tauira KŌrero

Kāore e whakaaetia ana he pūrere ki te tēpu kai o tō mātou kāinga.

Ko tā te kura, mā te ākonga tonu tāna ake pūrere e mau mai ki te kura.

Ko te nuinga o ngā momo pūrere o ēnei rā he mea ka honoa atu ki te ipurangi.

WhakamĀrama Āpitihanga