tairaru

WhakamĀrama Āpitihanga

Koia nei ētahi tairaru ka kōrerohia whānuihia:

• Ko te tairaru hauora, arā, ka tino pāngia te iwi, tētahi wāhanga rānei o te iwi ki tētahi momo mate. Ko te tairaru rānei o te pūnaha hauora ki te tiaki i te marea.
• Ko te tairaru pāpori, pērā i te piki o te whakamomori i waenga i te hunga taiohi.
• Ko te tairaru taiao, pērā i te parahanga me te tāhawahawatanga o te wai.
• Ko te tairaru ohaoha, arā, ka raru, ka tino heke te ōhanga o tētahi whenua, o tētahi iwi, o te hapori rānei.
• Ko te tairaru ā-whānau, pērā i te takanga o te whānau ki te kāingakoretanga.
• Ko te tairaru āhuarangi, arā, ko te mahana haere o te ao me ngā tūmomo raru ka hua ake i tērā.
• Ko te tairaru ahumahi, pērā i te mate huakita i pā ki te ahumahi huakiwi i Aotearoa i te tau 2010.
• Ko te tairaru pūngao. Ko te iti o te pūngao hei whakatutuki i te popono, i te hiahia o te iwi, mātua rā pea ko te pūngao hiko. Arā hoki te tairaru pūngao huriao, ko te ngaro haere o te rawa māori pēnei i te hinu e puta ai te pūngao, me te piki haere o te whakapau i te pūngao i ngā porihanga ahumahi, huri i te ao.
• Ko te tairaru tōrangapū, arā, he raruraru ka ara ake i te pāhekeheke o te mana o te kāwanatanga. He kaha nō te iwi ki te ātete pea i te kāwanatanga, he pāhoro pea, he tairaru ohaoha pea ētahi take.
• Ko te tairaru tuakiri. Koia ko te rangirua, ko te pōkaikaha o te tangata ki a ia anō, ki ōna uara, ki ōna whakapono, ki āna whanonga, nā runga pea i āna pāhekoheko ki tangata kē, nā tētahi panonitanga matua i tōna ao, nā ngā awenga pāhopori, nā take kē atu rānei.