Tikanga ā-Iwi

matatika

ethics, ethical, moral, morality

tūingoa, tūāhua

WHAKAMĀRAMA

Ko ngā mātāpono, ko ngā ritenga, ko ngā whanonga e tika ana, e pai ana, e hāngai ana ki ngā whakapono me ngā uara o te tangata, o te rōpū, o te hapori rānei. Mā te whai i ngā āhuatanga matatika e pai ai te noho tahi, te mahi tahi me te taupuhipuhi o te hapori. 

The principles, practices and behaviours that are right and proper according to the beliefs and values of a person, of a group or of the community. Following ethical or moral practices enables the community to live, work and cooperate together.

Tauira KŌrero

Nāna i whakamārama mai ngā matatika i āta whāia i roto i tā rātou mahi rangahau.

He wahine matatika a Hine, kāore ana paku kotititanga ahakoa ngā whakawai me ngā āki hoa aropā.

Ko tāna e tohe ana, ka panoni haere ngā matatika e whāia nuitia ana e te hapori i te takanga o te wā.

WhakamĀrama Āpitihanga

Arā ētahi rōpū, pērā i te hunga kaiwhakaako, i te hunga rata, me ngā whakahaere tauhokohoko, ka āta whakarārangi i ā rātou paerewa matatika, i ā rātou ritenga matatika hei whaitanga mā ngā tāngata o te rōpū. Mā konei e mōhio ai rātou, e mōhio ai hoki te marea, e eke ana te kounga me te tika o ngā mahi me ngā ratonga a ēnei rōpū.

Mēnā ka whāia he ritenga matatika ki te whakaputa i tētahi hautaonga, arā, he haumaru ngā kaimahi, he tōkeke te utu i a rātou, kāore he parahanga o te taiao, he toitū te whakamahinga o ngā rawa taketake, ka kīia tērā hautaonga, he hautaonga matatika. Ko te pakihi whakaputa i taua hautaonga matatika, ka kīia he pakihi haepapa.

Ko te noho matatika a te tangata ki tōna ao, koia tana whai kia iti tana tapuwae waro, kia manaaki i a Papatūānuku me ōna rawa, kia kaua ia e kaiapo hautaonga, kia tukurua kia hangarua rānei i ana hautaonga, kia hoko ia i ngā hautaonga matatika.

Takenga Mai

matatika - right, straight

Tauira KŌrero

Nāna i whakamārama mai ngā matatika i āta whāia i roto i tā rātou mahi rangahau.

He wahine matatika a Hine, kāore ana paku kotititanga ahakoa ngā whakawai me ngā āki hoa aropā.

Ko tāna e tohe ana, ka panoni haere ngā matatika e whāia nuitia ana e te hapori i te takanga o te wā.

WhakamĀrama Āpitihanga