WhakamĀrama Āpitihanga
Koia nei ngā wāhanga e toru o te toitūtanga e kōrerohia whānuihia ana:
Koia nei ētahi whakamahinga o te kupu toitū i roto i te tikanga ā-iwi:
- Hangarau toitū: Ko ngā momo hangarau ka āta poipoi i ngā hua o Papatūānuku. He iti te whakamahinga o ngā rawa whatungarongaro, he iti te pānga kino ki te tangata, ki ngā hapori, ki te taiao anō hoki.
- Takenga toitū: Kāore e mimiti te takenga mai o ngā rawa, pērā i te pūngao hiko e takea mai ana i te hau me ngā hihi o Tamanuiterā.
- Rawa toitū: Kāore e whatungarongaro tēnei momo rawa. Hei tauira, ko te uru rākau ka whakatipuria e te tangata hei āta tope ā tōna wā, hei hoko, hei whakamahi māna. Ka kīia ēnei rākau he rawa whakahou, nā te mea ka topea, ā, ka whakatipuria anō.
- Hanga toitū: He hautaonga ka hangaia ki te rawa toitū, ka utua ngā kaimahi whakaputa i te hautaonga ki te utu tōtika.
- Toitūtanga pāpori: Ko te aro o tētahi rōpū pērā i te pakihi, i te hapori, i te iwi, i te whānau, i whakahaere kē atu rānei ki te oranga tonutanga o ōna tāngata haere ake nei.
- Whanaketanga toitū: Ko te whakawhanake i te kātū noho o te tangata o ināianei tonu, ko te whakatutuki i ōna matea, i ōna hiahia hoki, me te kore e pāpā atu ki te oranga o ngā reanga mokopuna e ara mai ana.
- Whakanaotanga toitū: Ko ngā mahi whakahaere me ngā momo hangarau e iti ai te pāpātanga o te mahi whakaputa hautaonga me te mahi whakarato ki te taiao. Ka whai wāhi atu:
- ko te whakaiti i te whakapaunga pūngao (pērā i te hiko) me ngā rawa o te taiao
- ko te whakaiti i ngā para ka hua ake
- ko te whai kia kaua e pā kino ngā para ki te taiao
- ko te atawhai i ngā mōtika kaimahi.