Papatūānuku | Paekupu

WHAKAMĀRAMA

Ko te aorangi e noho nei tātou. Ko ia te tipuna wahine o ngā mea ora katoa.

Ko Papatūānuku te aorangi tuatoru mai i a Tamanuiterā, āhua 149,500,500km te tawhiti. Kei te takiwā o te 70% o te mata o Papatūānuku e kapi ana i te moana. E kōpakina ana a Papatūānuku ki te kōhauhau, koirā ngā momo haurehu e ora ai ngā rauropi katoa e noho ana ki a Papatūānuku.

The planet on which we live, the female ancestor of all living things.

The Earth is the third planet from the Sun, approximately 149,500,500km away. Approximately 70% of the Earth’s surface is covered with sea. The Earth is enveloped by the atmosphere, which is a mixture of gases required by all living things on the Earth.

Tauira KŌrero

Ko Papatūānuku te ūkaipō, te atua e whāngai nei i a tātou, otirā, i ngā mea ora katoa.

Nāna i kauhau ngā kōrero Māori mō Papatūānuku, me te hono anō ki tā te pūtaiao Pākehā titiro.

He porotaka te āhua o Papatūānuku, engari he paku papatahi ki te pito raki me te pito Tonga.

WhakamĀrama Āpitihanga

Ko ngā wāhanga matua o Papatūānuku ko te iho roto, ko te iho waho, ko te nukuratarata me te kirinuku. Ko te kiri moana me te kiri paparahi ngā wāhanga e rua o te kirinuku:

He totoka, he mārō te iho roto, kei te takiwā o te 1,200km te mātotoru.

He waiwai te iho waho, he ratarata, he tino wera. Nā te rere o te ranunga ratarata i te iho waho, ka puta te whaitua autō o Papatūānuku. Āhua 2,300km te mātotoru o te iho waho.

Kei waenganui i te iho waho me te kirinuku ko te nukuratarata. He ratarata tonu te āhua o ngā toka i tēnei paparanga o Papatūānuku, kei te takiwā o te 3,700ºC te wera, he kukū anō hoki. Ka pīoioi te nukuratarata, nā te piki o te toka wera me te heke o te toka kāore i te pērā rawa te wera. Ka kīia tēnei āhuatanga ko te rerenga iakawe. Nā te pīoioi o te nukuratarata ka nukunuku anō ngā papaneke i te kirinuku o Papatūānuku. Āhua 3,000km te mātotoru o te nukuratarata:

He totoka, he mārō te kirinuku, e mānu ana i te nukuratarata. Kei te takiwā o te 10km te mātotoru o te kiri moana, e 40–70km te mātotoru o te kiri paparahi.

Ko Papatūānuku te ūkaipō, te atua e whāngai nei i a tātou, otirā, i ngā mea ora katoa.

Nāna i kauhau ngā kōrero Māori mō Papatūānuku, me te hono anō ki tā te pūtaiao Pākehā titiro.

He porotaka te āhua o Papatūānuku, engari he paku papatahi ki te pito raki me te pito Tonga.