Hangarau

hangarau kai

food technology

tūingoa

WHAKAMĀRAMA

Ko te hoahoa me te waihanga i ngā tukanga, i ngā pūnaha me ngā pūrere e hāngai ana ki te whakarite kai, te tunu me te rokiroki kai. Ko te whāinga kia reka ake te kai, kia māmā ake te whakarite, kia roa ake te rokiroki, kia haumaru ake, kia rahi ake rānei ngā taiora o roto.

Designing and creating processes, systems and devices in relation to the preparation, cooking and storing of food. The aim of food technology is for food to taste better, to be easier to prepare, to store for longer, to be safer, and to be more nutritious.

Tauira KŌrero

E whai ana ia i ngā akoranga hangarau kai i te whare takiura.

E tino whai pānga ana te hangarau koiora ki te hangarau kai.

Nā te tino piki o te taupori o te ao, kua ara ake te hangarau kai hei kaupapa nui, e ora ai te mātinitini, e ora ai hoki a Papatūānuku, haere ake nei.

WhakamĀrama Āpitihanga

Koia nei ētahi wehewehenga o roto i te hangarau kai:

  • Ko te haumarutanga kai. Arā, ko ngā tikanga e pā ana ki te hauhake, ki te whakarite, ki te tunu, ki te rokiroki kai kia kore ai e puta he momo mate. Ka whai wāhi atu ki konei, ko ngā tikanga akuaku kai, pērā i te āta horoi i ngā taputapu, i te wāhi mahi me ngā ringaringa whakarite i te kai.
  • Ko te ranea o te kai. I konei ko tā te hangarau he whai i ngā momo mahi, i ngā momo pūnaha e wātea ai ngā kai e tika ana, e hiahiatia ana e te marea. Ka kīia hoki tēnei ko te tūwhita kai.
  • Ko te rangatiratanga o te kai. Koia ko ngā mahi, ko ngā pūnaha, ko ngā hanganga e pūmau tonu ai te mana ake o te whānau, o te hapori, o te iwi ki te whakarato, ki te whiriwhiri i ā rātou ake kai. Hei tauira, ko te tuku ihotanga o ngā kano rīwai me ngā kōpura e matenuitia ana e ngā kāinga Māori o tuawhenua. Ko tētahi whakararu i te rangatiratanga o te kai, ko tā ngā rangatōpū whenuarau whakatau tikanga, tāmi hoki i te mana o ngā iwi taketake ki ā rātou kai.
  • Ko te whakarite kai me te tao kai.
  • Ko te tukatuka kai. Arā, ka rawekehia he kai mata, ka āpitihia rānei he matū atu anō ki te kai mata, kia reka ake, kia roa ake te rokiroki, kia puta rānei he momo kai atu anō.
  • Ko te taioranga kai. Koia ko te mātai i ngā taiora kei roto i te kai, pērā i te pūmua, i te ngako, i te warowaihā me te huaora. Ko te mātai hoki i te rahi o ngā taiora e hiahiatia ana e te tangata e ora ai ia.
  • Ko te toitūtanga kai. I konei ka mātaihia ngā ara e whiwhi kai hauora tonu ai te iwi haere ake nei, me te aro anō ki te ora o te taiao me ngā mōtika o te hunga kaimahi.
  • Ko te whakaaotanga kai, arā, ko te horapa o ngā tikanga, o ngā uara, o ngā āhuatanga ahurea e pā ana ki te kai, mai i tēnā iwi ki tēnā, mai i tēnā whenua ki tēnā.
  • Ko te pūtaiao kai. Koia ko te mātai, ko te rangahau i ngā āhuatanga pūtaiao e hāngai ana ki te kai. He whānui ngā kaupapa, pērā i tā te tinana nakunaku i ngā momo kai rerekē; i ngā tauhohe matū ka hua ake i te wā e tunua ana te kai, e rokirokitia ana rānei; i te raweke i ngā ira o roto i te kai kia taioraora ake.

Tauira KŌrero

E whai ana ia i ngā akoranga hangarau kai i te whare takiura.

E tino whai pānga ana te hangarau koiora ki te hangarau kai.

Nā te tino piki o te taupori o te ao, kua ara ake te hangarau kai hei kaupapa nui, e ora ai te mātinitini, e ora ai hoki a Papatūānuku, haere ake nei.

WhakamĀrama Āpitihanga