!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

hangarau

technology

tūingoa, tūāhua

WHAKAMĀRAMA

Ko te whakamahinga o te mātauranga tuku iho o ngā tīpuna me te mātauranga pūtaiao whānui hei hoahoa, hei waihanga i tētahi tukanga, i tētahi pūnaha, i tētahi pūrere, i tētahi hanga rānei, e tutuki ai tētahi mahi whaitake. Ko tā te hangarau, he whai kia māmā ake, kia pai ake, kia toitū ake rānei te whakatutuki i ngā mahi o ia rā. He mahi auaha tonu te hangarau.

The use of traditional knowledge passed down from the ancestors and wider scientific knowledge to design and create a process, a system, a device or an object for the purposes of completing a useful task. The aim of hangarau is to find ways for everyday tasks to be completed more easily, more efficiently and more sustainably. Hangarau is a creative endeavour.

Tauira KŌrero

E hiahia ana ia ki te whai i te mahi hangarau koiora ina mutu tana kura.

Koia nei te reanga i tino hohoro ai te tipu o te hangarau matihiko.

He kaha taku kuia ki te whātoro atu i tōna ringa ki ngā hangarau hou e putaputa mai ana, pērā i te paparorohiko me te waea pūkoro.

WhakamĀrama Āpitihanga

Ka taea te kupu hangarau te whakahāngai ki ētahi horopaki maha, pērā i te hangarau pāmu, te hangarau pahikara me te hangarau ātea. Ko te tangata mahi i ēnei momo hangarau, kā kīia he mātanga hangarau mēnā e tino mātau ana, he ringa hangarau rānei.

Koia nei ētahi peka matua o te hangarau ka ākona i te kura:

Hangarau Kai: Ko te hoahoa me te waihanga i ngā tukanga, i ngā pūnaha me ngā pūrere e hāngai ana ki te whakarite kai, te tunu me te rokiroki kai. Ko te whāinga kia reka ake te kai, kia roa ake te rokiroki, kia haumaru ake, kia rahi ake rānei ngā taiora o roto.

Hangarau Koiora: Ko te whakamahi i ngā pūnaha koiora me ngā rauropi i roto i te mahi hangarau. Hei tauira, ko te hoahoa me te waihanga i ngā tukanga e pai ake ai tā te rauropi whakapopo i ngā para kākāriki ka tukuna ki te ruapara.

Hangarau Matihiko: Ko te hoahoa me te waihanga i ngā tukanga, i ngā pūnaha me ngā pūrere matihiko.

Hangarau Whakatina: Ko tā tēnei peka o te hangarau, he hoahoa, he waihanga, he whakahaere i nga momo pūnaha whakatina, pērā te pūnaha rama huarahi me ngā pūnaha nekeneke o te karetao hiko. He tāhiko te nuinga o te hangarau whakatina.

Hangarau Whakawhiti Kōrero: Ko te hoahoa me te waihanga i ngā tukanga, i ngā pūnaha me ngā pūrere e hāngai ana ki te whakawhiti kōrero, mōhiohio rānei. I ēnei rā, ko te hangarau matihiko te ara matua e tutuki ai te whakawhiti kōrero. Ki ētahi ko te hangarau mōhiohio kē te ingoa o tēnei peka o te hangarau.

Hangarau Rawa Ōkiko: Ko te hoahoa me te waihanga i ngā tukanga, i ngā pūnaha me ngā pūrere e hāngai ana ki te whakamahi i ngā momo rawa, e puta ai te otinga e hiahiatia ana. Ka whai wāhi atu:

Hangarau Whakanao: Ko te hangarau e hāngai ana ki ngā momo ahumahi whakanao taonga, whakaputa hua anō hoki, pērā i te hanga taonga ā-whare me te whakaputa whakahaumako whenua.

Hangarau Pūhanga: E aro ana tēnei peka o te hangarau ki te hoahoa, ki te waihanga hoki i ngā momo pūrere, i ngā mīhini, i ngā hanganga rānei, pērā i te kati paihamu, i te arawhiti me te kutarere.

Takenga Mai

hanga - to make, create, build, fashion

rau - many, numerous

Tauira KŌrero

E hiahia ana ia ki te whai i te mahi hangarau koiora ina mutu tana kura.

Koia nei te reanga i tino hohoro ai te tipu o te hangarau matihiko.

He kaha taku kuia ki te whātoro atu i tōna ringa ki ngā hangarau hou e putaputa mai ana, pērā i te paparorohiko me te waea pūkoro.

WhakamĀrama Āpitihanga