!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

taiora ~nga

nutrient, nutrition

tūingoa

WHAKAMĀRAMA

He matū kai e ora ai tētahi rauropi pēnei i a tātou te tangata. Ko tā te rauropi he kai i te taiora, he huri i te taiora hei pūngao mōna, e tutuki ai āna mahi pērā i te tupu, i te whakaputa uri me te nuku. Ko te pūmua, te ngako, te warowaihā me te huaora ngā rōpū taiora matua.

A food substance which provides sustenance for an organism such as humans. The organism consumes the nutrient and uses it as a source of energy to carry out its functions, such as growth, reproduction and movement. The main groups of nutrients are proteins, fats, carbohydrates and vitamins.

Tauira KŌrero

He aha te taiora hei whakahou i ngā pūtau o te tinana?

He mate pea ka pā mēnā he kōpaka tētahi o ngā taiora matua, nō reira kaingia ō huawhenua e tama!

Ka āta whakamaheretia ngā taiora ka kainga e ia i ia rā, hei kaupare atu i ngā māuiui.

WhakamĀrama Āpitihanga

Mēnā he nui ngā taiora o roto i tētahi kai, ka kīia he kai taioraora tērā. I te nuinga o te wā, he taioraora ake te kai mata i te kai tukatuka.

Ko te kai paraurehe te tauaro o te kai taioraora. He iti noa iho, karekau rānei he taiora o roto i te kai paraurehe, pērā i te waireka me ētahi ō rangaranga. Ina kainga nuitia te kai paraurehe, he māuiui, he tinana mōmona te otinga atu.

Ki te kore e tautika te kai taiora a te tangata, arā, ka rahi rawa, ka kōpaka rānei ngā taiora, tērā te māuiui ka hua ake. Ko te ruhi o te tinana me te hinengaro te putanga.

Hei whakamārama i ngā rōpū taiora matua e rima:

Te huaoraTōna paingaKi te iti rawa tēnei huaoraTe takenga mai
Huaora AHei whakapakari i te karu, e pai ai te titiro a te tangata i te pōuriuri.Ka heke te āhei o te karu ki te kite i te pōuriuri.Ko te miraka, te tīhi, te hēki me te tākihi.
Huaora BKa āwhina i te tinana ki te huri i te kai hei pūngao mōna.Ka mate te puku, ka kēkerewai ngā uaua.Ko te īhi me te huapata.
Huaora CE ora ai te kiri me ngā pūniho, e tere ora anō ai ngā motunga.Ka pāngia e te mate kāwei. Arā, ka toto ngā pūniho me te ihu.Ko te ārani, te rēmana, te rīwai me ngā huawhenua kākāriki.
Huaora DHei whakapakari i ngā kōiwi.Ka ngohengohe haere ngā kōiwi, ka kōpiko, ka whati.Ko te miraka, te ika me te hēki.
  • He tino rōpū taiora anō te kohuke. Ka takea mai te kohuke i te whenua tonu, engari kei roto hoki i ētahi kai, pērā i te rino kei roto i te mīti me te konupūmā kei roto i te miraka. Koia nei ētahi o ngā kohuke e pai ai te hauora o te tangata:
Te kohukeTōna paingaTe takenga mai
konupūmāHei whakapakari i ngā kōiwi.Ko ngā momo huamiraka.
rinoHei āwhina i te kawenga o te hāora mai i ngā pūkahukahu ki ngā wāhanga katoa o te tinana.Ko te mīti, te hēki, te pīni me ngā rau huawhenua pērā i te pītihiriwa.
konurehuKia pai ai te mahi a ngā uaua me te pūnaha ioio.Ko te panana, te korare, te tōmato, te kiri kūmara me te kiri rīwai.
konuteaHei whakapakari i te pūnaha awhikiri, hei āwhina hoki i te tipu o te pūtau hou.Ko te mīti, ngā momo nati me ngā hua wharekano.

Koia nei te rahi o ngā momo taiora kei roto i te 100 karamu (100g) o ētahi kai:

Te kaiPūmua
(karamu)
Ngako
(karamu)
Warowaihā
(karamu)
Wai
(karamu)
miraka3.33.84.787
tīhi26.033.5037
mīti kau30.911.0057
hēki12.310.9075
hinu099.900
rīwai1.4019.779
kotakota rīwai6.335.949.33
raihi5.51.084.811
āporo0.3011.984
aihikirīmi3.57.422.865

Tauira KŌrero

He aha te taiora hei whakahou i ngā pūtau o te tinana?

He mate pea ka pā mēnā he kōpaka tētahi o ngā taiora matua, nō reira kaingia ō huawhenua e tama!

Ka āta whakamaheretia ngā taiora ka kainga e ia i ia rā, hei kaupare atu i ngā māuiui.

WhakamĀrama Āpitihanga