!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

reo rorohiko

computer language, machine language

tūingoa

WHAKAMĀRAMA

Koia anake te reo e mārama ana ki te rorohiko, ko te 0 me te 1 ōna pūtohu. Ka tuhia e te kaihanga papatono he pūmanawa ki tētahi reo papatono pērā i te Java, ā, mā te papatono whakahiato o roto i te pūtukatuka matua e huri hei reo rorohiko.

The only language which can be understood by a computer, consisting only of the characters 0 and 1. The programmer writes software in a programming language such as Java, and the compiling programme from within the central processing unit turns this to computer language. 

Tauira KŌrero

He uaua rawa atu te reo rorohiko hei tuhituhi, hei pānui mā te tangata.

He wā moroiti rawa atu hei huri mā te pūtukatuka matua i te reo papatono hei reo rorohiko.

He reo tāhūrua te reo rorohiko.

WhakamĀrama Āpitihanga

Ko te ASCII tētahi o ngā reo papatono e whakamahia whānuitia ana hei tuhi pūmanawa. Koia nei ngā pūriki o te reo Māori, te waehere ASCII, me te reo rorohiko, arā, te waehere tāhūrua e hāngai ana:

Ina patoa tētahi pūriki pērā i te 'k', ka tāurua te waehere ASCII '107' ki roto i te papatono whakahiato o te rorohiko. I reira ka hurihia hei waehere tāhūrua '01101011', e taea ai aua raraunga te rokiroki, te tukatuka hoki e te rorohiko. E 8 moka, 1 paita rānei te rahi o ēnei raraunga ki te pūmahara o te rorohiko.

Nō reira ko te reo rorohiko mō te rerenga 'kia ora', ko tēnei nā. Ko te '00100000' kei waenganui e tārarotia ana, koirā te waehere tāhūrua mō te āputa:

01101011 01101001 01100001 0010000001101111 01110010 01100001

Ko te huānga te kupu hei whakaahua i ngā papatono, i ngā hōputu raraunga e noho whanaunga mai ana ki tētahi pūnaha whakahaere. Arā e mōhio ana te pūnaha whakahaere ki tōna waehere huānga, nō reira he pai noa iho te tukatuka. Mēnā he waehere rāwaho, me whakamahi he papatono āpiti hei huri i te waehere rāwaho ki te waehere e mārama ana ki te pūnaha whakahaere. Mā konei e pōturi ai te haere o te rorohiko, e hapa pea rānei.

Tauira KŌrero

He uaua rawa atu te reo rorohiko hei tuhituhi, hei pānui mā te tangata.

He wā moroiti rawa atu hei huri mā te pūtukatuka matua i te reo papatono hei reo rorohiko.

He reo tāhūrua te reo rorohiko.

WhakamĀrama Āpitihanga