Hangarau

hapa

error

tūingoa, tūmahi poro, tūāhua

WHAKAMĀRAMA

Ka hē te mahi a te rorohiko, pūnaha rorohiko rānei, he raruraru ohorere rānei ka hua ake. Ka hapa ko ngā pūmārō o te rorohiko, ko ngā pūmanawa rānei.

Where a computer or computer system does not function correctly, or an unexpected problem arises. The error could occur in the hardware or the software of the computer.

Tauira KŌrero

Me āta pānui ngā kōrero i te karere hapa i te tuatahi, mei kore noa e taea e koe te whakatika.

Te āhua nei e hapa ana te rorohiko tūmau i te kore o te whakawhitiwhiti i waenganui i ngā rorohiko me te pūrere tā.

Mēnā kua kī katoa te pūmahara uru tupurangi o te rorohiko, ko te pōturi o te rorohiko tētahi hapa ka hua ake.

WhakamĀrama Āpitihanga

Mēnā ka hapa tētahi papatono, i te nuinga o te wā ka puta he pouaka kōrero, arā, he karere hapa hei whakamārama he aha i hapa ai, me pēhea hoki te whakatika. Hei tauira, he karere hapa tā tēnei:

Koia nei ētahi momo hapa ka puta i te mahi rorohiko:

Ko te hapa tā - i konei ka raru tā te rorohiko whakawhiti raraunga ki te pūrere tā, ka hapa rānei ko te pūrere.
Ko te hapa waehere, arā, ka hē tētahi wāhanga o te waehere o roto i te papatono.
Ko te hapa takiuru, ko te nuinga o te wā, nā te hē o te kupuhuna, o te ingoa kaiwhakamahi rānei.
Ko te hapa kōnae - kāore pea e kitea e te rorohiko te kōnae e kimihia ana, nā te hē pea o tā te kaiwhakamahi pato i te ingoa o te kōnae, kua hāmate rānei te kōnae i tētahi iro.

Tauira KŌrero

Me āta pānui ngā kōrero i te karere hapa i te tuatahi, mei kore noa e taea e koe te whakatika.

Te āhua nei e hapa ana te rorohiko tūmau i te kore o te whakawhitiwhiti i waenganui i ngā rorohiko me te pūrere tā.

Mēnā kua kī katoa te pūmahara uru tupurangi o te rorohiko, ko te pōturi o te rorohiko tētahi hapa ka hua ake.