!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

pūmahara

memory, memory device

tūingoa

WHAKAMĀRAMA

He pūrere tāhiko ōkiko nei, he waehanga tāhiko o tētahi rorohiko rānei, hei pupuri raraunga matihiko. Ka tīkina atu ēnei raraunga hei whakamahi mā te rorohiko, mā te kaiwhakamahi rānei.

A physical electronic device or an electronic component in a computer which stores digital data. This data is retreived for use by the computer or the user.

Tauira KŌrero

Me hoko mai tētahi pūmahara kaitā mō tō rorohiko.

Ko te kōpae pīngore tētahi o ngā momo pūmahara o mua, i ēnei wā nei ko te kapua kē te wāhi rokirokitia ai ngā raraunga o ngā whatunga rorohiko maha.

Me pēhea te whakaatu i te kaitā o tētahi pūmahara?

WhakamĀrama Āpitihanga

Ko te pūmahara rāroto o tētahi rorohiko, koirā ngā mōtete o roto tonu i te pūtukatuka matua o te rorohiko. E taea ana ētahi mōtete te tāpiri atu hei whakarahi ake i te pūmahara rāroto. He mōtete pūmahara rāroto tēnei:

Kāore ngā pūmahara rāwaho e noho ki roto i te rorohiko. He pūrere motuhake ēnei ka honoa atu ki te rorohiko, pērā i te rākau pūmahara, te kōpae me te pukumārō. Hei tauira:

E pai ai te haere o tētahi rorohiko, me wātea mai ngā raraunga hei whakahaere i ōna papatono, me ngā raraunga ka whakaurua e te kaiwhakamahi. Ka puritia ēnei raraunga ki te pūmahara uru tupurangi, i te nuinga o te wā he pūmahara rāroto. Ka whakamahia te pūmahara uru tupurangi i te wā e whakamahia ana te rorohiko, arā, e tukatukatia ana he raraunga. I muri i te whakawetonga o te rorohiko ka puritia ki te pūmahara pānui-anake. Ka puritia ngā raraunga ki reira ahakoa e weto ana te rorohiko.

I te pūmahara tuingātahi, ka wehea te pūmahara kei reira te pūnaha whakahaere o te rorohiko e puritia ana ki ētahi wehenga e rua, nui ake rānei. He tere ake tā te rorohiko tiki raraunga i te pūmahara tuingātahi.

Takenga Mai

pū (pūrere) - device

mahara - memory

pūmahara - memories

Tauira KŌrero

Me hoko mai tētahi pūmahara kaitā mō tō rorohiko.

Ko te kōpae pīngore tētahi o ngā momo pūmahara o mua, i ēnei wā nei ko te kapua kē te wāhi rokirokitia ai ngā raraunga o ngā whatunga rorohiko maha.

Me pēhea te whakaatu i te kaitā o tētahi pūmahara?

WhakamĀrama Āpitihanga