!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau
 
X
Hangarau

waehere ~tia

code

tūingoa, tūmahi whiti, tūāhua

WHAKAMĀRAMA

Ko te reo e mārama ana ki te rorohiko. Ka tuhia ngā tohutohu o roto i tētahi papatono hei waehere. Ko te huinga o ngā kupumatua e mārama ana ki te rorohiko me te tātai tika anō i aua kupu (tātaikupu) ki roto i te waehere, koirā te reo papatono.

The language that is understood by a computer. The instructions within a programme are written as code. The set of keywords understood by the computer and the correct arrangement of those words (syntax) in the code make up the programming language.

Tauira KŌrero

E ako ana tātou ki te waehere JavaScript hei waihanga paetukutuku.

Me pēhea te tuhi i te waehere hei tohu i te karetao kia huri mauī?

Tīkina atu te rārangi o ngā kupumatua o roto i te waehere HTML.

WhakamĀrama Āpitihanga

Hei tauira māmā o te waehere, ka tāmiramirahia tēnei rerenga korero i te whārangi tukutuku (ko te pūriki 'b' e tohu ana i te kupu Ingarihi mō te tāmiramira, arā, te 'bold'):

Arā:

Tuia i runga, tuia i raro.

I ētahi wā, ka whakaurua he peka ki roto i te waehere. He tohutohu tēnei kia kaua te rorohiko e whai i te raupapatanga o ngā tohutohu, engari me peka atu ki tohutohu kē. Hei tauira, i konei e rua ngā peka. Ko te 'input', te 'if', te 'show' me te 'else' ngā kupumatua o te waehere Java i whakamahia hei whakatutuki i tēnei papatono māmā. Ko te (), te {} hei tauira o ngā tūtohu:

Ko te koromeke tētahi atu āhuatanga o te tuhiwaehere, arā, ka hokihoki atu te papatono ki te whai anō i ngā tohutohu kua waeheretia. Ko ia hokinga o te rorohiko i te koromeke, ka kīia he tōaitanga.

Ko te whakaeminga o ētahi kīanga waehere ki te rōpū kotahi, ka kīia he paraka waehere. He māmā ake te whakamahi paraka, tērā i te tuhi anō i te katoa o te waehere mai i te tīmatanga. Ka tīhaoa te paraka waehere ki ngā taiapa koromikomiko, arā, te { me te }.

He iti ake te maramara waehere i te paraka, arā, he wāhinga iti o te waehere papatono matua ka taea te tārua hei whakamahi anō.

Ko te aho, koirā tētahi rerenga pūtohu o roto i te waehere ka tīhaoa ki te tohukī, kia puta anō ai taua rerenga pūtohu ina whārerea te waehere. I te tauira waehere o runga ake nei, ko ngā kupu "He rangi kāpuapua" tētahi o ngā aho.

Ko te whakawaehere, koirā te whakawhiti i tētahi kōrero hei waehere rorohiko. Ko te tauaro o tērā, ko te wetewaehere, arā, te whakawhiti i te waehere rorohiko ki te reo tangata.

Ko te hōtuhi tētahi momo waehere. Ko tā te hōtuhi he whakaaunoa tukanga, pērā i te whakawhitiwhiti aunoa i ngā whakaahua kei tētahi paetukutuku. Ko te waehere HTML hei waihanga i te paetukutuku, ko te hōtuhi PHP hei whakawhitiwhiti i ngā whakaahua kei te pane o taua paetukutuku.

Takenga Mai

wae - part, unit

here - to tie

Tauira KŌrero

E ako ana tātou ki te waehere JavaScript hei waihanga paetukutuku.

Me pēhea te tuhi i te waehere hei tohu i te karetao kia huri mauī?

Tīkina atu te rārangi o ngā kupumatua o roto i te waehere HTML.

WhakamĀrama Āpitihanga