Para Kore

panoni ~hia ~tanga

change

tūingoa, tūmahi whiti, tūmahi poro

WHAKAMĀRAMA

Ko te whakarerekē, ko te rerekē haere noa iho rānei o tētahi mea i te takanga o te wā, i te mahinga rānei o tētahi mahi. Ka whai āhua kē, ka whai hanganga kē, ka whai aronga kē rānei te mea ka panonihia.

The differences that are made or occur over the passage of time, or arise through the undertaking of an activity. The thing that is changed becomes different in character, appearance, structure or focus. 

Tauira KŌrero

Ko tā tērā rōpū tōrangapū e tohe nei, me āta panoni mārika ō tātou whakaaro, ō tātou waiaro ki tēnei mea, te para.

Ko te mahi nui a Para Kore, he tuku i ngā hōtaka panoni whanonga ki ngā whānau, ki ngā hapū, ki ngā marae, otirā ki ngā iwi, puta noa i Aotearoa.

Ki te kore e panonihia ngā ture, ka mau tonu ngā umanga nui me ngā pakihi nui ki ā rātou mahi tūkino i te taiao.

WhakamĀrama Āpitihanga

Ko tētahi panonitanga matua e whāia ana e ngā apataki o Para Kore, ko te whakakore i te ōhanga torotika me te whakapūmau i te ōhanga āmiomio. Hei tauira tērā o te panoni toronaha, inā ka toro te panonitanga ki roto i te pūnaha ōhanga. Mā ērā momo panoni toronaha e panonihia ai ngā ritenga mahi o ia rā, pērā i te huri tuarā ki ngā hautaonga mahinga tahi.

Koia nei ētahi atu momo panonitanga e kōrerohia ana i te ao Para Kore:

  • Ko te panoni kiritahi. Koirā tā te tangata takitahi panoni i ōna whakaaro, i āna mahi, i āna tikanga, pērā i te whakakore i tana hoko pātara wai kirihou, ā, ka tahuri kē ki te whakamahi pātara mahinga rau. Mēnā ka whāia hoki aua panonitanga e te whānau o te kiritahi, e tana hapori, e tana marae rānei, ka kīia he panoni kiritōpū.
  • Ko te panoni waiaro. I konei ka panonihia ngā whakaaro o te tangata me ōna whakapono ki tētahi mea, pērā i te whakamahi koranehe. Ka tipu kē te whakaaro ki roto i te tangata, ki roto i te hapori, me whai kē i te whakamahinga o te rawa whakahou, pērā i te pūngao kōmaru.
  • Ko te panoni ā-ture. Ka panonihia tētahi ture a te kaunihera, a te kāwanatanga rānei, pērā i te ture whakakore i te whakamahinga o te pēke kirihou mahinga tahi i te tau 2019.
  • Ko te panoni whanonga. Arā ko tā te tangata, tā te whānau, tā te umanga rānei panoni i āna mahi kia toitū ake, kia tautaiao ake.

Tauira KŌrero

Ko tā tērā rōpū tōrangapū e tohe nei, me āta panoni mārika ō tātou whakaaro, ō tātou waiaro ki tēnei mea, te para.

Ko te mahi nui a Para Kore, he tuku i ngā hōtaka panoni whanonga ki ngā whānau, ki ngā hapū, ki ngā marae, otirā ki ngā iwi, puta noa i Aotearoa.

Ki te kore e panonihia ngā ture, ka mau tonu ngā umanga nui me ngā pakihi nui ki ā rātou mahi tūkino i te taiao.

WhakamĀrama Āpitihanga