tautaiao

eco~, environmentally friendly

He kupu hei whakaahua i tētahi mahi, i tētahi kaupapa rānei kāore e pā kino ana ki te taiao. Ko te toitūtanga kei te iho o ngā kaupapa tautaiao.

A word used to describe an activity or initiative that does not harm the environment. Sustainability is at the core of eco initiatives.

TAKENGA MAI

▾

Nā runga i te whai wāhi atu ki ngā wānanga o Para Kore, kua tahuri tō mātou kōhanga reo ki te whakamahi kope tautaiao.

E whai ana tō mātou whānau kia tautaiao ā mātou mahi katoa.

Ko te papa kōmaru hei whakaputa i te hiko tētahi hanga o te whare tautaiao.

Ko ētahi whakamahinga o te kupu nei, te tautaiao:

Ko te pāmu tautaiao: Ka āta tiakina te oneone me ngā arawai, koirā tētahi whāinga matua, ka haere tahi me te taha huamoni.
Ko te whare tautaiao: Ka hoahoatia, ka hangaia te whare kia iti tana pānga kino ki te taiao. Hei tauira: ka kohia ngā wai ua ka heke ki te tuanui o te whare; ka whakanōhia he papa kōmaru ki te tuanui hei kapo i te pūngao o te rā, ka hurihia hei hiko; ka tino puritia te mahana o te rā ki roto i te whare kia iti te whakapaunga o te hiko hei whakamahana i te whare; ka hangaia ki ngā momo matū he iti te tapuwae waro hei whakaputa i aua matū, hei kawe hoki i aua matū ki te wāhi e hangaia ai te whare.
Ko te hautaonga tautaiao: Ka hangaia ēnei momo hautaonga ki te rawa whakahou, ki ngā matū hangarua rānei, ā, ka whāia kia iti noa iho te whakapaunga o te pūngao me te wai hei whakaputa i aua hautaonga rā. He hautaonga mahinga rau, he hautaonga tūroa, he hautaonga kāore i waihangatia e te kaimahi tamariki, e te kaimahi mauhere rānei, kāore hoki e kawea ki ngā mākete pāmamao.

tau (tautoko) - to support

tau - befitting, calm, settled

taiao - environment

Nā runga i te whai wāhi atu ki ngā wānanga o Para Kore, kua tahuri tō mātou kōhanga reo ki te whakamahi kope tautaiao.

E whai ana tō mātou whānau kia tautaiao ā mātou mahi katoa.

Ko te papa kōmaru hei whakaputa i te hiko tētahi hanga o te whare tautaiao.