matea

WhakamĀrama Āpitihanga

Koia nei tētahi wehewehenga o ngā momo matea e ora ai te tangata:

• Ko ngā matea kikokiko, pērā i te hau, i te wai, i te moe, i te mahana me te kai.
• Ko ngā matea pāpori, arā, te whakawhanaunga, te pāhekoheko ki tangata kē.
• Ko ngā matea wairua e whai tikanga ai, e whaitake ai, e whai uara ai te oranga o te tangata, e tūhono hoki ai ia ki te taiao, ki ōna tīpuna ake, ki tōna whenua.
• Ko ngā matea kare ā-roto pērā i te aroha me te kiritau.

I tua atu i ngā matea o te tangata, ko ōna hiahia, arā, ko ngā mea hei whakapai ake i te āhua o tana noho ki tōna ao. Ki te kore ia e whiwhi i ōna hiahia, ka matekiri, ka pāpōuri pea, engari ka ora tonu.

Ko tētahi āhuatanga nui o tā te whānau whakamahere pūtea, ko te tuku moni hei utu i ngā matea i te tuatahi, kātahi ka whai whakaaro ki ngā mea e hiahiatia ana, ki reira whakapaua ai te moni e toe ana. Hei tauira o te hiahia, ko te waea pūkoro hou, ko te kākahu hou, ko te whakapainga makawe, ko te whakakakara.