Hangarau

wāteakore

down (computing)

tūingoa, tūmahi poro, tūāhua

WHAKAMĀRAMA

Kāore tētahi rorohiko, tētahi pūnaha rorohiko rānei e wātea ana ki te mahi i āna mahi. I te nuinga o te wā, hei whakaahua tēnei kupu i te rorohiko tūmau e raru ana.

When a computer or system is not available to fulfill its function. Usually this term is applied in reference to a server problem.

Tauira KŌrero

Kua wāteakore te tūmau o te kura, kei te whakatewhatewhatia ināianei kia kitea ai he aha koia te raruraru.

He poto noa iho te wāteakore, kei te whakaara anō te rorohiko tūmau.

Ko tētahi tohu o te pūnaha rorohiko horopū, ko te iti o te wā e wāteakore ana, arā, te wā koremahi.

WhakamĀrama Āpitihanga

Koia nei ētahi take e wāteakore ai tētahi rorohiko tūmau:

Kei te whakaara anō ia.
Kei te tīmata anō tētahi papatono.
Kua hinga te pūnaha rorohiko, tētahi papatono rānei.
He rahi rawa te whitirau e haere ana i te whatunga rorohiko, arā, ngā raraunga e tukatukatia ana i te wā kotahi.
Kua raru tētahi o ngā pūrere pūmārō o te pūnaha.
Kua motu te hononga ki te whatunga rorohiko.
Kua raru te pūnaha i te mahi a te mūrere.

Mēnā ka motukia te hiko e haere ana ki te rorohiko, ka kīia tērā he kotinga hiko. Ko te kotinga hiko tētahi atu take e wāteakore ai tētahi rorohiko.

Ko te wārere te tauaro o te wā koremahi, koia te roa o te wā e haere tonu ai tētahi rorohiko me te kore e aruarutia e tētahi whakararu. Mō ētahi pūrere pērā i te pouara whatunga, kei te takiwā o te 99.9% te wārere.

Tauira KŌrero

Kua wāteakore te tūmau o te kura, kei te whakatewhatewhatia ināianei kia kitea ai he aha koia te raruraru.

He poto noa iho te wāteakore, kei te whakaara anō te rorohiko tūmau.

Ko tētahi tohu o te pūnaha rorohiko horopū, ko te iti o te wā e wāteakore ana, arā, te wā koremahi.