Hangarau

whatunga

network (computing)

tūingoa

He tōpūtanga rorohiko, tūmau rorohiko, pūrere āpiti hoki e tūhono tahi ana, e taea ai te whakawhiti raraunga mai i tētahi ki tētahi.

A collection of computers, servers and peripheral devices that are connected together allowing for the sharing of data from one to another.

Kua wāteakore te whatunga rorohiko a te kura i tēnei wā, kāore au i te mōhio he aha koia te raruraru.

He whatunga nui whakaharahara te ipurangi.

Rārangihia mai ngā pūrere ake o roto i te whatunga rorohiko a te kura me te mahi a tēnā me tēnā.

Hei tauira o tētahi whatunga rorohiko. Ko ia pūrere o roto i te whatunga ka kīia he tīpona. E āhei ana te tīpona ki te tuku, ki te whiwhi, ki te tukatuka rānei i te raraunga. Ka kīia hoki ērā rorohiko, he rorohiko aropā:

Ko tā te pouwhanga, he tūhono atu i te whatunga ki te ipurangi. Ko tā te pouara, he whiwhi i ngā raraunga e taetae mai ana i te ipurangi (pērā i te īmēra) me te tuku anō ki te rorohiko o roto i te whatunga e tika ana.

E tūhono atu ai tētahi rorohiko ki te whatunga, me whai kāri tāhono whatunga. Ka kīia hoki tēnei, he kāri itarangi, he whāuru whatunga. I te nuinga o ngā rorohiko o ēnei rā, he waehanga tēnei o te papawhaea. Mō te rorohiko kawekawe, tērā te kāri whatunga waeakore.

Ko tā te kaiwhakahaere whatunga he hoahoa, he whirihora, he arotake hoki i te whatunga, tae atu ki te tiaki i te taha haumaru, pērā i te whakaae atu ki ngā pūkete kaiwhakamahi.

whatu - to weave

Kua wāteakore te whatunga rorohiko a te kura i tēnei wā, kāore au i te mōhio he aha koia te raruraru.

He whatunga nui whakaharahara te ipurangi.

Rārangihia mai ngā pūrere ake o roto i te whatunga rorohiko a te kura me te mahi a tēnā me tēnā.