Tikanga ā-Iwi

(Te) Tōpūtanga o Ingarangi

Commonwealth, British Commonwealth

tūingoa

He hononga o ngā whenua o Piritana Nui me ētahi o ōna whenua maru o mua, whenua whirinaki rānei.

An association of the United Kingdom and other nations which were formerly her colonies or dependencies.

Kei roto a Aotearoa i Te Tōpūtanga o Ingarangi.

E whai ana ia kia whakaingoatia mō Te Taumāhekeheke o Te Tōpūtanga o Ingarangi ka tū ā tērā tau.

He aha te matū o tana tohe kia tū a Aotearoa hei whenua tūhake, engari me noho tonu ki Te Tōpūtanga o Ingarangi?

Koia nei ngā whenua o Te Moana-nui-a-Kiwa e whai hononga ana ki Te Tōpūtanga o Ingarangi:

Ahitereiria, Aotearoa, Whītī, Kiripati, Nauru, Pāpua Nūkini, Hāmoa, Ngā Motu Horomona, Tonga, Tūwaru, Whenuatū

I muri mai i te waitohutanga o Te Tiriti o Waitangi, ka meatia a Niu Tīreni he whenua maru i raro i te mana tōrangapū o Ingarangi. I muri mai i tērā, i te tau 1852, ka whakatūria te kāwanatanga ake o Aotearoa, engari ka mau tonu te mana o Ingarangi, ka tukuna tonutia āna hōia hei hāpai i ngā ture me ngā whakahaere a tauiwi. I te tau 1907 ka motukia ētahi o ngā here ki Ingarangi, ā, ka kīia he tominiana a Aotearoa. Ka noho tonu ki roto i Te Tōpūtanga o Ingarangi mohoa noa nei, engari e pakanga ana ētahi kia tū a Aotearoa hei whenua tūhake i tōna ake mana, karekau he wāhi ki a Ingarangi i roto i te pūnaha tōrangapū.

tōpūtanga - association, collective

Kei roto a Aotearoa i Te Tōpūtanga o Ingarangi.

E whai ana ia kia whakaingoatia mō Te Taumāhekeheke o Te Tōpūtanga o Ingarangi ka tū ā tērā tau.

He aha te matū o tana tohe kia tū a Aotearoa hei whenua tūhake, engari me noho tonu ki Te Tōpūtanga o Ingarangi?