He puna o tētahi matū, o tētahi atu mea rānei he painga ōna mō te tangata, e taea ana te whakapau, te whakamahi ina hiahiatia.* Ka kīia ngā rawa ka takea mai i a Papatūānuku, pērā i te tokahuke rino, i te hinu me te rimurimu, he rawa taketake. Ka rāwekewekehia aua rawa hei whakaputa matū, pērā i te maitai, i te kirihou me te whakahaumako.
* He Pātaka Kupu (wh.759)
A supply of materials, or other types of things, beneficial to people, that can be consumed or used as needed. Resources taken from the earth such as iron ore, oil and seaweed are called raw materials. They are used to manufacture materials such as steel, plastic and fertiliser.
He rawa whatungarongaro ngā momo koranehe pērā i te kōhinu, i te hinuheu me te kapuni.
Ko tētahi whāinga matua o te kaupapa o Para Kore, ko te whakaiti i te hukenga rawa hou, he whakapiki i te tukuruatanga o ngā rawa.
Ko te onepū rino e hukea ana i Taharoa i Te Taihauāuru, koia tētahi rawa taketake ka hokona atu ki tāwāhi, ki reira whakamahia ai hei whakaputa maitai i ngā wheketere nui o reira.