whakahaere rawa

WhakamĀrama Āpitihanga

Ko ngā take taupatupatu matua e rua i te whakahaere rawa, ko te toitūtanga o ngā rawa me te mahi moni. Ko te pūnaha angahaorawa e tino whai ana i te monihua, ko ngā mātāpono o ngā iwi taketake e aro kē ana ki te toitūtanga o ngā rawa, koia rā te ngako o tēnei mea te kaitiakitanga.

Ko tētahi āhuatanga o roto i te whakahaere rawa, ko te tāpuna rawa, e toitū ake ai te whakamahinga o aua rawa rā. Koia ko te whakarōpū mai i ngā rawa hei whakamahinga mā te tini. Hei tauira:

• Ko te tāpuna taputapu, pērā i te whakamahinga a ētahi whānau e rua, nui ake rānei i te mīhini tapahi pātītī kotahi.
• Ko te tāpuna motukā, arā, ko te haere a ngā tāngata tokomaha mā runga i te motukā kotahi, kaua ko tēnā i tōna ake, ko tēnā i tōna ake. He whakaiti i te tukuna o te hauhā ki te takiwā, he whakaiti i te utu kōhinu ngā hua.
• Ko te waka tūmatanui, penei i te pahi me te tereina. Me he tini te hunga haere mā runga waka tūmatanui, ka iti ake te whakapau koranehe, ka iti ake te tuku hauhā, kāore hoki e pērā rawa te kūkā o ngā huarahi, ka mutu e wātea ana ki te hunga kāore ō rātou motukā. Nō reira he wāhanga nui te waka tūmatanui o te whakahaere rawa, o te huatika pāpori me te huatika āhuarangi.