tapuwae waro

carbon footprint

WHAKAMĀRAMA

He inenga hei tohu i te nui o ngā haurehu kati mahana ka whakaputaina e tētahi tangata, e tētahi kaupapa, e tētahi hanga, e tētahi rōpū rānei, pēnei i te pakihi, i te whare, i te whenua, i te kāwanatanga, i tētahi whakahaere rānei. Ko ēnei haurehu kati mahana, pēnei i te hauhā (CO₂) tētahi pūtake matua o te āhuarangi hurihuri.

A measure indicating the amount of greenhouse gases that are emitted by a person, an activity, or an entity, such as a business, a building, a country, government or organisation. These greenhouse gases such as carbon dioxide are a major cause of climate change.

Tauira KŌrero

Ko te taraiwa motukā tētahi mahi o ia rā ka whakapiki i te tapuwae waro o te tangata.

E piki tonu ana te tapuwae waro o ngā whenua whairawa o te rātō, pēnei i Amerika.

Ko te kaupare i te kai mīti me te whakaiti i ngā haerenga mā runga motukā ētahi ara matua e heke ai te tapuwae waro o te whānau.

WhakamĀrama Āpitihanga

Hei tauira o ētahi mahi noa o ia rā, ka pā ki te tapuwae waro:

Ko te taraiwa motukā. Nō reira ko te whakatairanga i te tūnuku kori, pērā i te hīkoi me te eke pahikara, kia haere rānei te tangata mā runga waka tūmatanui, mā reira e iti ai tana tapuwae waro.
Ko te hoko hautaonga. Nō reira ko te whakahau kia whakatikaina te hautaonga pakaru, kia hokona he hautaonga mahinga rau, hautaonga oruoru, kia kaua e hoko i ngā momo hautaonga koretake noa iho, hautaonga mahinga tukutahi rānei.
Ko te whakapeto i te hiko. Mā te whāomoomo i te hiko, mā te pūngao whakahou (pēnei i te punahiko kapohau me te papa hiko kōmaru) e iti ai te tapuwae waro.
Ko ētahi o ngā mahi pāmu auraki, whakatipu huakai auraki, pēnei i te ruirui whakahaumako horihori, paturiha, patu otaota anō hoki. Nō reira ko te whakahau kia hoki anō ki ngā mahi ahuwhenua māori a ngā tīpuna, mā reira e tiakina ai te oneone, e iti anō ai te tapuwae waro.

Ko te whakaiti i te whakamahinga o te koranehe te huarahi matua e iti ai te tapuwae waro.

Mā te whakatō rākau e whakamaurutia ai te tukuwaro, inā ko te mahi a te rākau he miti, he rokiroki i te hauhā (CO₂), he whakaputa i te hāora (O₂).

He mea pūtake mai te nuinga o ngā inenga whakaiti tapuwae waro i: www.nature.org

whakaahua arinui

Ko te taraiwa motukā tētahi mahi o ia rā ka whakapiki i te tapuwae waro o te tangata.

E piki tonu ana te tapuwae waro o ngā whenua whairawa o te rātō, pēnei i Amerika.

Ko te kaupare i te kai mīti me te whakaiti i ngā haerenga mā runga motukā ētahi ara matua e heke ai te tapuwae waro o te whānau.