Hauora

pūnaha nakunaku kai

digestive system

tūingoa

WHAKAMĀRAMA

Ko ngā whēkau me ngā hanga o te tinana e ngāwherewhere ai te kai. I tēnei pūnaha ka tangohia ngā taiora o roto i te kai, ā, ka tukuna atu ki ngā pūtau o te tinana, e ora ai te tangata, e whai ngoi ai ia.

The organs and other parts of the body that break down food. The nutrients are taken from the food and delivered to the cells of the body so that a person is healthy and has energy. 

Tauira KŌrero

Tīmata ai te pūnaha nakunaku kai a te tangata i tōna waha, mutu ai i tōna tero.

Ki te kore e taurite te whiringa kai a te tangata ka māuiui tōna pūnaha nakunaku kai.

Ko te kōreke tētahi raru ka hua ake mēnā kāore e pai ana te mahi a te pūnaha nakunaku kai, arā, ka uaua te tiko.

WhakamĀrama Āpitihanga

Kei te takiwā o te waru mita te roa o te ara nakunaku kai o te tangata, ā, kei te takiwā o te 24 haora, neke atu, te roa e oti ai te tukanga nakunaku. He roa ake te wā nakunaku i ngā kai he nui te pūmua me te ngako kei roto, pērā i te mīti.

Koia nei ngā wāhanga o te pūnaha nakunaku kai o te tangata:



whakaahua arinui 

Ko te konga kouawai tētahi mate ka pā ki te pūnaha nakunaku kai, inā ka totoka he kongakonga waiate i roto i te kouawai. Ka takea mai i te nui o te ngakototo i roto i te whiringa kai a te tangata. I ētahi karekau he raru o te konga kouawai, i ētahi ka pākaha te mamae i te kōpiro, ka tokopā, ka paipairuaki rānei. Me he kino te pākia o te konga kouawai, ka pokaina, ka tangohia atu te kouawai.

Ko te iroiro tētahi noke pirinoa ka noho ki roto i te kōpiro o te tangata, he rite ki te miro kātene te āhua, mai i te 2mm ki te 13mm te roa. Ko te mangeo o te tero te tohumate matua, ā, mā te whai i ētahi tikanga akuaku e rongoātia ai, e kore ai hoki e horapa ki tangata kē.

Takenga Mai

nakunaku - to reduce to fragments

Tauira KŌrero

Tīmata ai te pūnaha nakunaku kai a te tangata i tōna waha, mutu ai i tōna tero.

Ki te kore e taurite te whiringa kai a te tangata ka māuiui tōna pūnaha nakunaku kai.

Ko te kōreke tētahi raru ka hua ake mēnā kāore e pai ana te mahi a te pūnaha nakunaku kai, arā, ka uaua te tiko.

WhakamĀrama Āpitihanga