WhakamĀrama Āpitihanga
He momo whakapakari ātete te hiki maitai, inā ko te maitai e ātete ana i te mahi a te uaua ki te hiki, ki te pana, ki te kukume rānei i taua maitai.
Arā kē te maha o ngā kori ka whakamahi i ngā maitai wātea, pērā i te hiki puripoto, i te hiki puriroa, i te kori purikīwai me te kori poi taumaha. Hei tauira, ko te kapu uarua puripoto me te kapu uarua puriroa:
He maha hoki ngā momo mīhini hiki maitai, pērā i te mīhini kumeraro tuawhārahi:
Ko te taura ātete tētahi atu momo whakapakari e rite ana ki te hiki maitai, inā, ko te taura kūtorotoro kei te ātete i te mahi a te uaua. Hei tauira, ko te hiki whakatetaha: 
Arā hoki ngā momo kori ko te taumaha o te tinana kei te ātete i te mahi a te uaua. Ka kīia ēnei he kori hiki tinana. Ko te pana ake hei tauira:
Mēnā he tino taumaha ngā maitai e hīkina ana, ka tonoa tētahi hoa, māna e āwhina ki te whakarite i ngā maitai, ā, mēnā he taumaha rawa, māna e āwhina ki te whakaoti i te hikitanga, ki te whakahoki i te maitai ki ōna tīrewa. Mā reira e haumaru ai te kaihiki. Ka kīia taua mahi, taua tangata hoki ko te piki. Hei tauira: