kori poi taumaha

medicine ball exercise

WHAKAMĀRAMA

He momo whakapakari tinana, inā ka hīkina, ka puritia, ka panaia, ka makaia rānei he poi taumaha āhua nui nei, e kaha ake ai, e matatū ake ai, e taurite ake ai te tinana.

A type of training where a fairly large heavy ball is lifted, held, pushed or thrown in order to increase the body's power, endurance and balance.

Tauira KŌrero

Kei a Eru ētahi kori poi taumaha papai hei whakapakari i ngā uatumu.

E 20 meneti taku kori poi taumaha, e toru wā i te wiki.

E pai ana ngā kori poi taumaha hei whakapiki i te kaha turapa o te kaipara.

WhakamĀrama Āpitihanga

Mai i te kotahi ki te tekau manokaramu te taumaha o te nuinga o ngā poi taumaha:

Koia nei ētahi o ngā momo kori poi taumaha:

Ko te porotiti poi taumaha. Ka tū, ka pupuri i te poi taumaha ki runga ake i te māhunga me te paku piko o ngā ringaringa. Ka kukutia ngā uatumu, ā, ka neke porotītiti i te pōro. Ka paku takawiri te tinana ki ngā taha i te porotītiti haere o te poi taumaha.
Ko te takawiri poi taumaha. Ka noho ki te papa me te piko o ngā turi. Ka puritia te poi taumaha ki mua o te poho. Ka meatia te poi taumaha ki tēnā taha, ki tēnā taha, me te takawiri anō o te tumu.
Ko te nohotū poi taumaha. Ka takoto ki te papa, ka piko ngā turi ko ngā raparapa waewae ki te papa, ka puritia te poi taumaha ki runga ake i te poho. Ka hīkina te tumu kia nohotū te tinana. Ka paku puritia ki reira, kātahi ka āta tukua te tinana kia hoki ki te papa.
Ko te kuparu poi taumaha hūpeke. Ka tū, ka puritia te poi taumaha ki mua o te poho. Ka piko whakararo te tinana kia noho tītengi ai, ānō nei e noho ana ki tētahi tūru. Ka paku puritia, kātahi ka turapa whakarunga me te hūpeke.
Ko te maka poi taumaha pātū. Ka tū ki mua i tētahi pātū, ka puritia te poi taumaha ki te poho. Ka whiua whakarunga te poi taumaha kia tupana i te pātū. Ka hopukina te poi taumaha e tupana whakamuri ana.