WhakamĀrama Āpitihanga
Hei tauira ēnei o ētahi mīhini hiki maitai:
Koia ēnei ko ētahi o ngā mahinga matua o te mīhini hiki maitai:
| Ko te kumeraro tuawhārahi. Ka noho ki te mīhini, ā, ka kukume i te kakau e hono ana ki ngā maitai, mai i runga ki raro, ki te poho. Kātahi ka āta tukua kia hoki anō te kakau ki runga. |  |
| Ko te panawae. Ka takoto i te mīhini, ā, ka meatia ngā raparapa waewae ki te papa pana e hono ana ki ngā maitai. Ka panaia whakarunga kia torotika ngā waewae. Ka paku puritia ki reira, kātahi ka āta tukua ki raro. |  |
| Ko te kapu waewae tāpapa. Ka takoto tāpapa ki runga i te mīhini, ka meatia ngā waewae ki raro i te kaho e hono ana ki ngā maitai. Ka hīkina ake ngā waewae, kātahi ka āta tukua whakararo. |  |
| Ko te koropeke mīhini. Ka noho ki te mīhini, ka meatia ngā waewae ki raro i ngā kaho wae. Ka puritia ngā kakau o runga, ā, ka koropeke whakamua kia kukuti ai te tumu o te tinana. Ka paku puritia, kātahi ka tukua kia noho torotika anō ai te tinana. |  |
| Ko te hoe kakau-ti. Ka tāpapa ki te pae o te mīhini me te pupuri i ngā kakau. Ka hīkina ake te maitai mā te whakapiko i ngā ringaringa, kia pātata atu ngā kakau ki te poho. Kātahi ka āta tukua anō ki raro. |  |
| Ko te hiki pokohiwi mīhini. Ka tūpou ki te nanao i te kakau. Ka tū, kātahi ka hīkina ngā pokohiwi. Ka paku puritia, kātahi ka tukua whakararo. |  |
| Ko te hiki mīhini whakatetaha. Ka noho ki te mīhini, ka puritia ngā kakau, ko ngā kikopuku ki te taha roto o ngā aupuru. He koki hāngai ngā tuke. Ka hīkina whakawaho ngā ringaringa kia rite ki ngā pokohiwi te teitei. Ka paku puritia ki reira, kātahi ka āta tukua whakararo. |  |
| Ko te kapu waewae noho. Ka noho ki te mīhini, ko te tuarā ki te aupuru o muri. Ka puritia ngā kakau, ā, ka meatia ngā waewae ki runga i ngā kaho wae. Ka whakapikoa ngā turi kia koki hāngai, ka paku puritia, kātahi ka āta tukuna kia hoki ki runga. |  |
| Ko te panapae mīhini. Ka takoto ki te pae o te mīhini, ko te kakau ki runga ake i te poho e noho ana ki ōna tīrewa. Ka hīkina ake te kakau, ā, ka āta tukua ki te poho. Ka hīkina te kakau ki runga, ka paku puritia, kātahi ka āta tukua anō ki te poho. |  |