Kāore te tangata (te aha atu rānei) e pākia ki tētahi āhuatanga kino.
Where a person (or something) is not exposed to anything harmful.
Tauira KŌrero
Me āta whakaaro e te kura ngā tikanga e haumaru ai ngā ākonga i roto i ā rātou mahi katoa.
He mea nui, otirā he mōtika tangata kia tipu ā tātou tamariki katoa i te taiao haumaru.
Nā te kore o te kiore, te toriura me kīrearea kē atu ki te moutere o kapiti, ka noho haumaru ngā manu māori o reira.
WhakamĀrama Āpitihanga
Ko te haumaru whaiaro tētahi āhuatanga matua ka pā ki te hauora o te tangata. Arā kē ngā taha o tēnei mea te haumaru whaiaro, anei ētahi:
Ko te haumaru ā-hinengaro. Kāore te tangata e whakaparahakotia, e kōrerohia kinotia e tētahi, arā, ka noho ia ki te taiao whakapiki i tōna kiritau. He āhuatanga tēnei o te kāinga haumaru, o te wāhi mahi haumaru, o te haumaru i te hākinakina, otirā i ngā horopaki maha.
Ko te ai haumaru. He tikanga ka whāia i te wā e mahi hōkaka ana te tokorua kia kore ai e pākia ki te mate paipai, kia kore ai e hapū te wahine (ki te kore e hiahiatia kia hapū). Ko te whakamahi pūkoro ure hei tauira.
Ko te haumaru ipurangi. Koia ko ngā mahi, ko ngā tikanga, ko ngā kawa, ko ngā tukanga ka whāia i te wā e toro ana te tangata ki te ao o te ipurangi, kia kore ai e heipū ake he āhuatanga kino.
Tauira KŌrero
Me āta whakaaro e te kura ngā tikanga e haumaru ai ngā ākonga i roto i ā rātou mahi katoa.
He mea nui, otirā he mōtika tangata kia tipu ā tātou tamariki katoa i te taiao haumaru.
Nā te kore o te kiore, te toriura me kīrearea kē atu ki te moutere o kapiti, ka noho haumaru ngā manu māori o reira.