WhakamĀrama Āpitihanga
Koia nei ētahi kori purikīwai:
| Ko te piu purikīwai. Ka puritia te purikīwai ki ngā ringa e rua. Ka tū me te toro whakararo o ngā ringaringa. Ka paku whakapiko i ngā turi, ā, ka piua whakamuri te purikīwai, ki waenga i ngā waewae. Kātahi ka tū me te pana whakamua o ngā hope. Ka piua whakarunga te purikīwai, kia rite ki te poho te teitei. |  |
| Ko te kuparu purikīwai. Ka tū, ka puritia te purikīwai ki ngā ringa e rua, ki mua i te poho. Ka piko whakararo te tinana kia noho tītengi ai, ānō nei e noho ana ki tētahi tūru. Ka paku puritia, kātahi ka āta tū kia torotika anō te tinana. |  |
| Ko te hikirukiruki purikīwai. Ka puritia te purikīwai ki ngā ringa e rua. Ka tū, ka toro whakararo ngā ringaringa, ka paku whakapiko i ngā turi. Ka pana whakamuri i ngā hope me te āta whakaheke i te tumu me te purikīwai ki te papa. He mea nui kia torotika te tuarā. Ka paku puritia, kātahi ka tū anō me te kukuti i ngā uaua o te tou me te puku. |  |
| Ko te waetīkei whakamuri. Ka puritia ētahi purikīwai e rua ki ngā taha o te tinana me te toro whakararo o ngā ringaringa. Ka tīkei whakamuri tētahi waewae, ko tētahi ka mau tonu ki te papa. Ka pātata atu te turi ki te papa, ka paku puritia, kātahi ka tū anō. |  |
| Ko te hoe tūpou. Ka puritia ētahi purikīwai e rua ki ngā taha o te tinana, me te piko o te tinana i ngā hope, ko te tou ki muri. Ka paku whakapikoa ngā turi. Ka puritia te tinana ki reira, ā, ka hīkina ngā purikīwai kia koki hāngai te piko o ngā tuke. Ka paku puritia, kātahi ka āta whakahekea ngā purikīwai. |  |