!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

whakapono ~tia

belief, ideology, doctrine, believe

tūingoa, tūmahi whiti, tūāhua

WHAKAMĀRAMA

Ko te ū tonu o te whakaaro, he tika, he pono, he tūturu tētahi āhuatanga. Ka hua ake ngā whakapono o te tangata i tōna ahurea, i tōna hāhi, i tōna whānau, otirā i tōna taiao noho whānui.

The firm idea that something is correct, true and real. A person's beliefs originate from their culture, from their religion, from their family and from their wider living environment.

Tauira KŌrero

E tino whai ana ia i tō te Māori whakapono ki ngā atua o te taiao.

He aha ētahi o ngā whakapono o tērā iwi e āhua rite ana ki ō te Māori?

Nāwai ā, ka pakeke haere a Hema, ka mārō haere tana whakapono whaiaro, arā ko tana whakapono ki a ia anō.

WhakamĀrama Āpitihanga

Ko te pūnaha whakapono, koirā ngā mātāpono tūāpapa e mārama ai te tangata ki tōna ao. Kei tēnā whānau tāna anō pūnaha whakapono, kei tēnā hāhi tāna, kei tēnā rōpū tōrangapū tāna, kei tēnā ahurea hoki tāna.

E kitea ana te pūnaha whakapono a te Māori i ētahi o ā tātou whakataukī. Hei tauira:

  • Ko te manaaki tangata: He aha te mea nui o te ao, he tangata, he tangata, he tangata.
  • Ko te pāuaua: Kaua mā te waewae tūtuki, engari mā te upoko pakaru.
  • Ko te hirahira o te kupu: He tao rākau e taea te karo, he tao kupu e kore e taea.

Ko te pūnaha whakapono a te tangata tētahi mea matua e puta ai ōna whanonga. Mēnā ko te manarite kei tana pūnaha whakapono, kāore ia e kaikiri i tangata kē i runga i te tae o te kiri o taua tangata, i tōna iwitanga, i tōna tuakiri ā-ira, i tōna hōkakatanga, i tētahi atu āhuatanga ōna rānei.

Tauira KŌrero

E tino whai ana ia i tō te Māori whakapono ki ngā atua o te taiao.

He aha ētahi o ngā whakapono o tērā iwi e āhua rite ana ki ō te Māori?

Nāwai ā, ka pakeke haere a Hema, ka mārō haere tana whakapono whaiaro, arā ko tana whakapono ki a ia anō.

WhakamĀrama Āpitihanga