!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

whakahāwea ~tia ~tanga

discriminate against, discrimination, despise, degrade

tūingoa, tūmahi whiti, tūāhua

WHAKAMĀRAMA

Ko te aronga rerekē, ko te aukati, ko te whakaiti hoki a tētahi i tētahi atu, nā runga i te rerekē o tōna ahurea, o tōna reo, o tētahi atu āhuatanga rānei ōna.

Where a person has a different disposition towards another person, and is biased and disparaging, on the basis of their different ethnicity, different culture, different language or difference in some other characteristic.

Tauira KŌrero

Ina kimi mahi ana te tangata, kaua ia e whakahāweatia i runga i tōna pakeke.

He kino te whakahāwea a te iwi kirimā i ērā wā ki te iwi mangumangu, waihoki e mau tonu ana i ēnei wā nei i ētahi wāhi o te hapori.

He mārama te kitea o te whakahāwea i roto i te pūnaha ture o tō tātou whenua.

WhakamĀrama Āpitihanga

Koia nei ētahi momo whakahāweatanga, katoa ēnei he tauira o te tūkinotanga pāpori:

Inā tirohia tētahi ahurea, tikanga ahurea rānei i runga i te tirohanga me ngā whakapono o ahurea kē, ka kīia tērā ko te whakaariki ā-iwi. Ko te hua o tērā, ko te pōhēhē o tētahi kei runga ake tōna ahurea i tō tētahi.

Mēnā ka noho wehe ngā rōpū mātāwaka o roto i te porihanga kotahi, ka kīia tērā ko te whakatāuke. I ētahi wā ka whai mana te whakatāuke i raro i ngā ture o te whenua, pērā i Awherika ki te Tonga i mua i te whakatūtanga o Nelson Mandela hei upoko mō taua whenua rā. Ka kīia tērā ko te momotu iwi.

Mēnā e ngākaukino ana tētahi ki ngā whakapono me ngā whakaaro o tētahi atu, ā, ka kaha ia ki te whakaputa i ōna ake whakaaro rītaha, ka kīia ia he kiripiro, he kakī mārō i ētahi wā. Mēnā e mataku ana ia, e tino konekone ana te kiripiro ki ngā whakapono me ngā whakaaro o iwi kē, ka kīia tērā ko te whakaweti momo kē.

Ko te māhaki te kupu tauaro o te kiripiro. Ko tā te tangata māhaki he whakanui i ngā rerekētanga me te kanorautanga. Ahakoa kāore pea te tangata māhaki e whakaae, e tautoko rānei i ngā whakaaro o tētahi, ka hāpai tonu ia i te manawhiri kōrero.

KUPU KĒ ATU

whakatoihara

Tauira KŌrero

Ina kimi mahi ana te tangata, kaua ia e whakahāweatia i runga i tōna pakeke.

He kino te whakahāwea a te iwi kirimā i ērā wā ki te iwi mangumangu, waihoki e mau tonu ana i ēnei wā nei i ētahi wāhi o te hapori.

He mārama te kitea o te whakahāwea i roto i te pūnaha ture o tō tātou whenua.

WhakamĀrama Āpitihanga